શ્રી રામ ટ્રાન્સપોર્ટ ફાઇનાન્સ કંપનીમાંથી વાહન લોન લઈને હપ્તા ન ભરતા ત્રણ આરોપીને કોર્ટે સજા ફટકારી

શ્રી રામ ટ્રાન્સપોર્ટ ફાઇનાન્સ કંપની માંથી વ્હીકલ લોન લઈને હપ્તા ન ભરતા જુદા જુદા કેસમાં ત્રણ આરોપીઓને કોર્ટે સજાનો હુકમ કર્યો હતો. પ્રાપ્ત માહિતી અનુસાર સુરત જિલ્લાના માંડવી ખાતે રહેતા દિપક ચંદ્રકાંત ચૌધરીનાઓ એ શ્રી રામ ટ્રાન્સપોર્ટ ફાઇનાન્સ લિ.માંથી લોન લઈને ટ્રક ખરીદી હતી.પરંતુ લોનનાં હપ્તા તેઓ સમયસર ભરી શક્યા ન હતા.અને ફાઇનાન્સ કંપનીને હપ્તા પેટે આપેલો રૂપિયા 1 લાખનો ચેક પણ રિટર્ન થયો હતો.

જે અંગેનો કેસ બારડોલી એડિશનલ જ્યુડિશિયલ મેજિસ્ટ્રેટ ફર્સ્ટક્લાસ જજ જયેશ એલ.પરમારની કોર્ટમાં ચાલી ગયો હતો. અને ફરિયાદી શ્રી રામ ટ્રાન્સપોર્ટ ફાઇનાન્સ લિ.ના વકીલ એમ.ડી.કતારીયાની ધારદાર દલીલોને કોર્ટે ગ્રાહ્ય રાખી આરોપી દિપક ચૌધરીને એક વર્ષની સાદી કેદની સજાનો હુકમ કર્યો હતો. અને કંપનીને રૂપિયા 1 લાખ સમયમર્યાદમાં ચૂકવી આપવા માટે હુકમ કર્યો હતો,જો આરોપી આ લોનના રૂપિયા ન ચૂકવી શકે તો વધુ 6 માસની સાદી કેદની સજાનો હુકમ કોર્ટે કર્યો હતો.