સુરતના ડિંડોલીમાં તરૂણવયની દીકરી પર પાડોશીએ દુષ્કર્મ આચરતા ચકચાર

સુરતના ડિંડોલીમાં ઘરમાં એકલી રહેલી તરૂણી પર પાડોશી હવસખોરે દુષ્કર્મ આચરતા પંથકમાં ચકચાર મચી ગઈ છે,જ્યારે અન્ય એક નરાધમે શારીરિક અડપલા કર્યા હોવાની ઘટના પ્રકાશમાં આવી છે. અને પોલીસે ફરિયાદ નોંધીને તપાસ શરુ કરી છે.

સુરતમાં અસામાજિક પ્રવૃતિઓની સાથે અન્ય ગંભીર ગુનાઓનો ગ્રાફ પણ દિવસેને દિવસે વધતો જાય છે,જેની સાક્ષી પૂરતી વધુ એક ઘટના સુરતના ડિંડોલી માંથી પ્રકાશમાં આવી છે,એક તરુણ વયની દીકરી પોતાના ઘરે એકલી હતી,માતાપિતા બહાર ગામ ગયા હોવાથી અને પોતાનું ઘર જ સુરક્ષિત છે, તેવા વિશ્વાસ સાથે માતાપિતા  વ્હાલસોયી દીકરીને ઘરે એકલા મૂકીને ગયા હતા,જોકે તેમને ક્યાં ખબર હતી કે હવસીય રાક્ષસો તેમની આસપાસમાં  જ રહે છે,પાડોશીએ યુવતીની એકલતાનો લાભ લઈને કંઈક કામનું બહાનું કાઢી ઘરમાં ઘૂસ્યો હતો,અને તરુણ વયની બાળાને પીંખી નાખી હતી,આ ઉપરાંત અન્ય એક પાડોશીએ પણ આ તરુણી સાથે અડપલાં કર્યા હોવાનું જાણવા મળ્યું છે,પોતાના માતાપિતા બહાર ગામથી ઘરે પરત ફરતા યુવતીએ આપવીતી તેઓને જણાવી હતી,અને તેમને આ અંગે પોલીસ ફરિયાદ દર્જ કરાવતા પોલીસે બંને આરોપીની ધરપકડ કરીને તપાસ શરૂ કરી હતી.