સુરત: અંક્લેશ્વરની અવસર એન્ટરપ્રાઇઝમાં ડ્રગ્સ ઉત્પાદન બાદ મુંબઈ સુધી થતું હતું સપ્લાય

સુરતના વેલંજા ગામ રંગોલી ચોકડી નજીકથી 2 કિલોથી વધુ એમડી ડ્રગ્સ ઝડપાયું હતું. સાથે જ ભરૂચ જિલ્લાના અંકલેશ્વર જીઆઈડીસીમાં આવેલા અવસર એન્ટરપ્રાઈઝ નામની કંપની માંથી એમડી ડ્રગ્સ ઝડપાયું હતું. સાથે 430 કિલોગ્રામ જેટલા શંકાસ્પદ માદક પદાર્થના જથ્થા સાથે 4 આરોપીઓને બે કરોડથી વધુનાં ડ્રગ્સ સાથે પોલીસે ઝડપી લઈને ડ્રગ્સ રેકેટનો પર્દાફાશ કરવામાં આવ્યો હતો.

આ ઘટના અંગે સુરતના પોલીસ કમિશનર અનુપમસિંહ ગેહલોતે મીડિયાને માહિતી આપતા જણાવ્યું હતું કે અવસર એન્ટરપ્રાઇઝમાં ફરજ બજાવતા મોન્ટુ પટેલ એચઆરમાં કામ કરે છે,જ્યારે વિરાટ પટેલ લેબમાં તથા વિપુલ પટેલ કેમિસ્ટ તરીકે ફરજ બજાવે છે,છેલ્લા બે મહિનામાં તેઓએ સુરત સહિત મુંબઈ સુધી ડ્રગ્સ સપ્લાય કર્યું હોવાની માહિતી બહાર આવી છે.જેના આધારે પોલીસે હાલમાં ચાર આરોપીઓની ધરપકડ કરીને વધુ તપાસ શરૂ  કરી છે.