• મોટા બોરસરા ગેંગરેપનો મામલો

• કોર્ટે બંને આરોપીઓને ઠેરવ્યા હતા દોષિત 

• કોર્ટે આરોપીઓને સજાનો કર્યો હુકમ

• કોર્ટે છેલ્લા શ્વાસ સુધી આજીવન કેદની સજા અને દંડ ફટકાર્યો 

• પીડિતાને 10 લાખની સહાય ચૂકવવાનો પણ કર્યો હુકમ    

સુરત જિલ્લાના માંગરોળ તાલુકાના મોટા બોરસરા ગામની સીમમાં નવરાત્રીની રાત્રી દરમિયાન લૂંટ વિથ ગેંગરેપની ઘટના બની હતી,ઘટનામાં કોર્ટે બે આરોપીઓને દોષિત જાહેર કર્યા હતા,અને કોર્ટે આરોપીઓને અંતિમ શ્વાસ સુધી આજીવન કેદ તેમજ દંડની સજાનો હુકમ કર્યો હતો.જ્યારે પીડિતાને રૂપિયા 10 લાખની સહાય ચૂકવવાનો પણ કોર્ટે હુકમ કર્યો હતો. 

સુરત જિલ્લાના માંગરોળ તાલુકાના મોટા બોરસરા ગામની સીમમાં નવરાત્રીની રાત્રીએ જ સગીર વયની યુવતી સાથે લૂંટ વિથ ગેંગરેપની ચકચારી ઘટના પ્રકાશમાં આવી હતી,જે ઘટનામાં પોલીસે ત્રણ આરોપીઓની ધરપકડ કરી હતી,જેમાં પોલીસ તપાસ દરમિયાન એક આરોપીનું હૃદયરોગના હુમલાથી મોત નીપજ્યું હતું.જ્યારે બે આરોપીઓ સામે પોલીસે 15 જ દિવસમાં 3000 પાનાની ચાર્જશીટ રજૂ કરી હતી. પોલીસે 50 ખાસ અધિકારીઓ અને કર્મચારીઓની ટીમ બનાવીને ઘટનામાં ઉંડાણપૂર્વક તપાસ કરી હતી. અને દિવસ-રાતની મહેનત બાદ 467 પાનાની મૂળ ચાર્જશીટ તૈયાર કરી હતી.સાથે જ 2500 પાનાની સોફ્ટ કોપીનો પણ સમાવેશ કર્યો હતો.

આ ચાર્જશીટમાં 60 સાક્ષીઓના નોંધાયેલા નિવેદનો અને મજબૂત પુરાવાઓનો સમાવેશ કરવામાં આવ્યો હતો.પોલીસે પુરાવામાં મેડિકલ રિપોર્ટ્સ, સાયન્ટિફિક રિપોર્ટ્સ, મોબાઈલ ડેટા અને સ્પેક્ટ્રોગ્રાફિક પુરાવાઓ સામેલ કરવામાં આવ્યા હતા.

આ ઘટનામાં સુરત સ્પેશિયલ કોર્ટમાં સરકાર પક્ષે મુખ્ય જિલ્લા સરકારી વકીલ નયન સુખડવાલાએ ધારદાર દલીલ કરી હતી,અને તેને કોર્ટે માન્ય રાખીને બે આરોપીઓ મુન્ના પાસવાન અને રાજુ વિશ્વકર્માને કોર્ટે દોષિત જાહેર કર્યા હતા,સુરતની સ્પેશિયલ કોર્ટ દ્વારા બંને આરોપીઓને આજરોજ સજાનો હુકમ કરવામાં આવ્યો હતો,કોર્ટે બંને આરોપીઓને અંતિમ શ્વાસ સુધી આજીવન કેદની સજા અને રૂપિયા 5 હજારનો દંડ ફટકારવામાં આવ્યો હતો.આ ઉપરાંત ભોગ બનનાર પીડિતાને રૂપિયા 10 લાખની સહાય ચૂકવવાનો પણ કોર્ટે હુકમ કર્યો હતો.