રિક્ષાચાલકની બેદરકારીનો વીડિયો સામે આવ્યો

વરાછા મેઈન રોડ વિસ્તારમાં બની હતી ઘટના

નાના બાળકે ઓટોરિક્ષા હંકારી હોવાનો વિડિયો

વિડિયો વાયરલ થતાં પોલીસ દ્વારા કાર્યવાહી કરાય

મોટર વેહિકલ એક્ટ હેઠળ રિક્ષાચાલકની અટકાયત

સુરત શહેર તથા જિલ્લામાં રિક્ષાચાલકોની બેદરકારીના વીડિયો અવારનવાર સામે આવતા હોય છે, ત્યારે સુરતના વરાછા મેઈન રોડ વિસ્તારમાં નાના બાળકે ઓટોરિક્ષા હંકારી હોવાનો વિડિયો સામે આવતા પોલીસે રિક્ષાચાલકની અટકાયત કરી હતી.

સુરત શહેરમાં ફરી એકવાર ટ્રાફિકના નિયમોનો ભંગ કરતો વીડિયો સામે આવ્યો છે. માત્ર દોઢથી બે વર્ષના બાળકને ઓટોરિક્ષાનું સ્ટિયરિંગ આપવામાં આવ્યું હતું. બાળક રિક્ષા ચલાવતો જોવા મળ્યો હતો અને મોટી દુર્ઘટના સર્જી શકે છે, જ્યારે પાછળ બેઠેલો ડ્રાઈવર હસી રહ્યો હતો. જોકે, આ વીડિયો સોશિયલ મીડિયા પર વાયરલ થયા બાદ ટ્રાફિક વિભાગ અને સ્થાનિક પોલીસ દ્વારા રિક્ષાચાલકની શોધખોળ કરવામાં આવી હતી. વાઇરલ થયેલો વીડિયો શહેરના અમરોલી વિસ્તારમાં આવેલા રજવાડી પાર્ટી પ્લોટ પાસેનો હોવાનું બહાર આવ્યું હતું. વીડિયોમાં સ્પષ્ટ જોઈ શકાય છે કે, પાછળ બેઠેલા યુવકે નાના બાળકને સામે એકલા છોડીને તેના હાથમાં સ્ટિયરિંગ આપ્યું છે, ત્યાંથી પસાર થઈ રહેલા એક બાઈકચાલકે પોતાના મોબાઈલમાં વીડિયો બનાવી લીધો હતો. પોલીસ દ્વારા રિક્ષા નં.GJ-05-C-2286ની શોધખોળ હાથ ધરવામાં આવતા રિક્ષાચાલક મળી આયો હતો. જેને પોલીસ મથકે લાવી પૂછપરછ કરવામાં આવી હતી. રીક્ષા માલિકે જણાવ્યુ હતું કે, ભૂલથી રિક્ષામાં ચાવી રહી ગઈ હતી, તેથી બાળક રીક્ષા લઇને નીકળી ગયો હતો, તારે જાળ તો પોલીસે રીક્ષા માલિક વિરુદ્ધBNS 281 અનેMV એક્ટ હેઠળ ગુન્હો નોંધી કાયદેસરની કાર્યવાહી હાથ ધરી છે.