કાપડ માર્કેટમાં પડદા પાછળ રહીને કરાતી છેતરપિંડી
માસ્ટર માઈન્ડ તરીકે ભૂમિકા ભજવી ઉઠામણાનો મામલો
ડમી વેપારીને લાવીને વિવર-વેપારીઓ સાથે છેતરપિંડી
છેતરપિંડી કરનાર મુખ્ય સૂત્રધારની પોલીસે કરી ધરપકડ
આરોપીની ધરપકડ સાથે પોલીસ દ્વારા કડક કાર્યવાહી
સુરતની ટેક્સટાઇલ માર્કેટમાં અવારનવાર છેતરપિંડીની ઘટનાઓ સામે આવતી હતી. ત્યારે પણ માર્કેટમાં ડમી વેપારીને લાવી વિવર તેમજ વેપારીઓ સાથે છેતરપિંડી કરનાર મુખ્ય સૂત્રધારની પોલીસ દ્વારા ધરપકડ કરવામાં આવી છે.
સુરત શહેરને ટેક્સટાઇલ સીટીનું બિરુદ મળ્યું છે, અને દેશ વિદેશમાં આ નામથી સુરત ઓળખાય છે. પરંતુ ટેક્સટાઇલ માર્કેટના વેપારીઓ માટે મોટી સમસ્યા ઉઠામણાની હતી, ત્યારે ઉઠામણાની ઘટનાઓમાં પડદા પાછળની ભૂમિકા ભજવતો મુખ્ય આરોપી હવે પોલીસના હાથ ઝડપાયો છે.
આ ઇસમનું નામ રમેશ ઉર્ફે સીતારામ હીશોરીયા છે. મેં 2024માં કોહીનુર મારકેટ, ન્યુ આદર્શ માર્કેટ અને સ્વદેશી ટેક્સ્ટાઇલ માર્કેટમાં 53 કરોડ 80 લાખ રૂપિયાનું ઉઠામણું થયું હતું, અને ઉઠામણાની ઘટનામાં પડદા પાછળની ભૂમિકા રમેશ ઉર્ફે સીતારામે ભજવી હતી. આ ઘટનામાં 13 વેપારી સાથે ઉઠામણું થયું હોવાનું સામે આવ્યું હતું.
જેમાં સ્વદેશી ટેક્સટાઇલ માર્કેટમાં વિનાયક ફેશન, જય માતાજી સિલ્ક મિલ, ન્યુ આદર્શ ટેક્સટાઇલ માર્કેટ અને ગ્લોબલ ટેક્સટાઇલ માર્કેટ સહિત દુકાનો ખોલાવી અન્ય માર્કેટના 13 વેપારી પાસેથી માલની ખરીદી બાદ સીતારામ ઉર્ફે રમેશે પોતાના માણસોની દુકાન બંધ કરાવડાવી ઉઠામણું કરાવ્યુ હતું.
સમગ્ર મામલે સલાબતપુરા પોલીસ સ્ટેશનમાં ગુનો પણ દાખલ થયો હતો, અને પોલીસ દ્વારા અગાઉ રિશી શાહ અને તેની ટોળકીની ધરપકડ કરવામાં આવી હતી. ત્યારે રિશીની પૂછપરછમાં સામે આવ્યું હતું કે, પડદા પાછળનો માસ્ટર માઈન્ડની ભૂમિકા ભજવનાર રઘુકુળ માર્કેટમાં સીતારામ નામે પેઢી ચલાવતા રમેશ ઉર્ફે સીતારામ છે.
સીતારામ કોઈ એક પેઢીમાં મોટાપાયે ધંધો કર્યા બાદ પોતાના પેદાઓને દુકાન બંધ કરાવી ભગાવી મુકતો હતો, અને ત્યારબાદ ઓછા પૈસામાં સમાધાન કરવાની વાત કરીને મોટો ખેલ પાડતો હતો, ત્યારે હવે આ મામલે પોલીસે મુખ્ય સૂત્રધાર સીતારામ ઉર્ફે રમેશની ધરપકડ કરી કાયદેસરની કાર્યવાહી હાથ ધરી છે.