સુરત : RTIના નામે લોકો પાસેથી રૂપિયા ખંખેરતો RTI એક્ટિવિસ્ટ પોલીસના હાથે ઝડપાયો, દસ્તાવેજી પુરાવા સહિતનો મુદ્દામાલ જપ્ત...

ઝોન-3 વિસ્તારમાં RTI એક્ટિવિસ્ટ શાકિર હુસૈન લાખાણીના મકાને પોલીસે દરોડો પાડ્યો હતો, જ્યાંથી પોલીસને મોટા પ્રમાણમાં દસ્તાવેજી પુરાવા મળી આવ્યા હતા.

author-image
By Connect Gujarat Desk in સુરત સમાચાર
New Update

  • RTIના નામે લોકો પાસેથી રૂપિયા પડાવવાનો મામલો

  • RTI એક્ટિવિસ્ટો સામે સુરત પોલીસે કરી લાલ આંખ

  • વિવિધ વિસ્તારોમાં RTI એક્ટિવિસ્ટોના ત્યાં દરોડા પાડ્યા

  • પોલીસને મોટા પ્રમાણમાં દસ્તાવેજી પુરાવા મળી આવ્યા

  • બાંધકામ કરતા લોકો પાસેથી વસૂલવામાં આવતી ખંડણી

Advertisment W3.CSS

સુરત શહેરમાં RTIના નામે ખંડણી માંગનાર RTI એક્ટિવિસ્ટના મકાને પોલીસે દરોડો પાડી મોટા પ્રમાણમાં દસ્તાવેજી પુરાવા જપ્ત કર્યા હતા. આ સાથે જ RTI એક્ટિવિસ્ટની ધરપકડ કરી કાયદેસરની કાર્યવાહી હાથ ધરવામાં આવી છે.

RTI એટલે કે, રાઇટ ટુ ઇન્ફોર્મેશનના નામે લોકો પાસેથી રૂપિયા પડાવતા ઇસમો વિરુદ્ધ સુરત પોલીસ દ્વારા લાલ આંખ કરવામાં આવી છે, ત્યારે બાંધકામ કરતા લોકો પાસેથી ખંડણી વસૂલાતી હોવાની પોલીસને બાતમી મળી હતી. તો બીજી તરફ, શહેરના વિવિધ વિસ્તારોમાં RTI એક્ટિવિસ્ટોના ત્યાં પોલીસ છાપો મારી રહી છે, ત્યારે ઝોન-3 વિસ્તારમાં RTI એક્ટિવિસ્ટ શાકિર હુસૈન લાખાણીના મકાને પોલીસે દરોડો પાડ્યો હતો, જ્યાંથી પોલીસને મોટા પ્રમાણમાં દસ્તાવેજી પુરાવા મળી આવ્યા હતા.

જેમાં બાંધકામ કરતા લોકો પાસેથી શાકિર હુસૈન લાખાણીએ ખંડણી માંગી હતી. આ સાથે જ RTI કરી બાંધકામ તોડાવી પાડવાની પણ ધમકી આપી હતી. આરોપીના મકાનમાંથી પોલીસને 2 થપ્પા ભરીને RTI દ્વારા માંગવામાં આવેલી માહિતી અને વિવિધ બાંધકામોના ફોટોગ્રાફ્સ મળી આવ્યા છે, ત્યારે DCP પિનાકીન પરમારની આગેવાની હેઠળ આરોપી શાકિર હુસેન લાખાણી વિરુદ્ધ કાયદેસરની કાર્યવાહી હાથ ધરવામાં આવી છે.

#surat police #Surat News #RTI Activist
Related Articles
Read the Next Article

સુરત: બાંધકામ સાઇટ પર માતાની નજર સામે શ્વાન એક વર્ષની બાળકીને ખેંચી ગયું, પોલીસે ડ્રોન કેમેરાની મદદથી શોધખોળ શરૂ કરી

સુરતના કામરેજના વાવ પાસે આવેલ બંસરી રિસોર્ટની બાજુમાં એક બાંધકામ સાઈટ પર ત્રાટકેલ શ્વાન માસુમ બાળકીને પકડીને ભાગી ગયો હતો.

author-image
By Connect Gujarat Desk in સુરત સમાચાર
New Update

  • સુરતના કામરેજનો ચકચારી બનાવ

  • વાવ ગામે શ્વાન બાળકીને ખેંચી ગયું

  • માતા રસોઈ બનાવતી હતી એ દરમ્યાન બની ઘટના

  • હજુ સુધી બાળકીનો કોઈ પત્તો નહીં

  • પોલીસે ડ્રોન કેમેરાની લીધી મદદ

Advertisment W3.CSS
સુરતના કામરેજના વાવ પાસે આવેલ બંસરી રિસોર્ટની બાજુમાં એક બાંધકામ સાઈટ પર ત્રાટકેલ શ્વાન માસુમ બાળકીને પકડીને ભાગી ગયો હતો.કલાકોથી પોલીસ દ્વારા માસુમ બાળકીની શોધખોળ કરવામાં આવી રહી હોવા છતાં હજુ સુધી તેની કોઈ ભાળ મળી નથી ત્યારે ડ્રોન કેમેરાની પણ મદદ લેવામાં આવી રહી છે.
સુરત જિલ્લાના કામરેજના વાવ ગામ ખાતે રહેતા આંજુભાઈ તથા તેની પત્ની તીતાબેન મજુરી કામ કરી પરિવારનું ગુજરાન ચલાવે છે તેમને સંતાનમાં માત્ર એક વર્ષની બાળકી માયા છે.હાલમાં પતિ પત્ની વાવ ખાતે આવેલ બંસરી રિસોર્ટની બાજુમાં એક બાંધકામ સાઈટમાં કામ કરે છે અને ત્યાં જ ઝુંપડું બાંધી અન્ય મજૂરો સાથે વસવાટ કરે છે. મધ્યપ્રદેશમાં વતનમાં કામ હોવાથી આંજુભાઈ કામ અર્થે વતન ગયા હતા. આ દરમિયાન પત્ની તીતાબેન ગતરોજ રાત્રે ૧૦:૦૦ વાગ્યાના અરસામાં તેની માસુમ પુત્રી સાથે ઘરે બેઠી હતી.તીતાબેન પોતાના માટે જમવાનું બનાવતા હતા ત્યારે તેની એક વર્ષની પુત્રી માયાને બાજુમાં સુવડાવી હતી. આ દરમિયાન અચાનક જ એક શ્વાન દોડીને તેમની પાસે આવ્યું હતું અને તીતાબેનની નજર સામે જ એક વર્ષની બાળકી માયાને ખેંચીને ડોટ લગાવી હતી. જેથી તીતાબેન તેની પાછળ દોડી ગયા હતા અને બૂમાબૂમ કરતા આજુબાજુમાં રહેતા ૧૦૦ થી વધુ મજૂરો પણ શ્વાનની પાછળ ડોટ મૂકી હતી. શ્વાન આજુબાજુના ખેતરોમાંથી ભાગી ગયો હતો.
પોલીસે બાળકીને શોધવા ફાયર બ્રિગેડ અને ડોગ સ્કોડની પણ મદદ દીધી હતી. સવારથી ડોગ સ્કોર્ડ પણ ઘટના સ્થળે પહોંચી શ્વાન માસુમ બાળકીને કઈ બાજુ લઈને ભાગી ગયું છે તે દિશામાં પણ તપાસ હાથ ધરી છે .છતાં હજુ સુધી બાળકીનો કોઈ પતો મળ્યો નથી.પોલીસ દ્વારા ડ્રોન કેમેરાની પણ મદદ લેવામાં આવી છે.ઝાડી ઝાંખરામાં ડ્રોન થી ચર્ચ કરવામાં આવી રહ્યું છે.ઝડપથી બાળકીનો પત્તો લાગી સહી સલામત મળે તેવી પ્રાર્થના સ્થાનિકો કરી રહ્યા છે.
#CGNews #Search operation #police #missing #Attack #dog #child #mother #Surat