સુરત : ATMમાંથી રૂપિયા 15 લાખની ચોરીનો ભેદ ઉકેલાયો, પોલીસે હરિયાણાથી ત્રણ આરોપીની ધપરકડ સાથે રૂ.4 લાખ કર્યા રિકવર

સુરત પોલીસને મળી ચોરીનો ભેદ ઉકેલવામાં સફળતા, જહાંગીરપુરામાં ATM તોડીને ચોરીને અપાયાઓ હતો અંજામ, રૂ.15 લાખ રોકડની થઇ હતી ચોરી, 5 પૈકી 3 આરોપીઓ હરિયાણાથી ઝડપાયા, પોલીસે રૂ.15 લાખ પૈકી રૂ. 4 લાખ રિકવર કર્યા.

author-image
By Connect Gujarat in સુરત સમાચાર
New Update

સુરતના જહાંગીરપુરા વિસ્તારમાં ATM તોડીને રૂપિયા 15 લાખની ચોરીને અંજામ આપવામાં આવ્યો હતો, પોલીસે આ ચોરીનો ભેદ ઉકેલીને હરિયાણાથી ત્રણ આરોપીની ધરપકડ સાથે રૂપિયા 4 લાખ રિકવર કર્યા હતા, જ્યારે બે આરોપીને વોન્ટેડ જાહેર કરવામાં આવ્યા છે. 

Advertisment W3.CSS

સુરતના જહાંગીરપુરા પોલીસનાં હદ વિસ્તારમાં ATMમાંથી રૂપિયા 15 લાખ રોકડની ચોરી થઇ હતી,અને ચોર ટોળકી ચોરીને અંજામ આપીને ફરાર થઈ ગઈ હતી.આ ચોરીનો ભેદ ઉકેલવા માટે પોલીસે જુદી જુદી ટીમો બનાવીને સઘન તપાસ શરૂ કરી હતી.

જેમાં 100 જેટલા સીસીટીવી કેમેરાના ફૂટેજ તપાસવામાં આવ્યા હતા,અને તેમાંથી પોલીસને ચોરીનો ભેદ ઉકેલવાની કડી મળી હતી. અને આરોપીઓ હરિયાણા ભાગી ગયા હોવાની માહિતી મળતા તપાસ શરૂ કરી હતી, જહાંગીરપુરા પોલીસે હરિયાણાથી ત્રણ આરોપીઓ તોહીદ ખાન તૈયબ ખાન, આદિલ ચંચલ ખાન, સાકીર મોમીન કુરેશીની ધરપકડ સાથે રૂપિયા 4 લાખ રોકડા રિકવર કર્યા હતા,જ્યારે આ ઘટનામાં હજી બે આરોપીઓ પોલીસ પકડથી દૂર હોવાનું જાણવા મળ્યું છે.

#Gujarat #ATM Cards #ATM center #ATM #Surat
Related Articles
Read the Next Article

સુરત: બાંધકામ સાઇટ પર માતાની નજર સામે શ્વાન એક વર્ષની બાળકીને ખેંચી ગયું, પોલીસે ડ્રોન કેમેરાની મદદથી શોધખોળ શરૂ કરી

સુરતના કામરેજના વાવ પાસે આવેલ બંસરી રિસોર્ટની બાજુમાં એક બાંધકામ સાઈટ પર ત્રાટકેલ શ્વાન માસુમ બાળકીને પકડીને ભાગી ગયો હતો.

author-image
By Connect Gujarat Desk in સુરત સમાચાર
New Update

  • સુરતના કામરેજનો ચકચારી બનાવ

  • વાવ ગામે શ્વાન બાળકીને ખેંચી ગયું

  • માતા રસોઈ બનાવતી હતી એ દરમ્યાન બની ઘટના

  • હજુ સુધી બાળકીનો કોઈ પત્તો નહીં

  • પોલીસે ડ્રોન કેમેરાની લીધી મદદ

Advertisment W3.CSS
સુરતના કામરેજના વાવ પાસે આવેલ બંસરી રિસોર્ટની બાજુમાં એક બાંધકામ સાઈટ પર ત્રાટકેલ શ્વાન માસુમ બાળકીને પકડીને ભાગી ગયો હતો.કલાકોથી પોલીસ દ્વારા માસુમ બાળકીની શોધખોળ કરવામાં આવી રહી હોવા છતાં હજુ સુધી તેની કોઈ ભાળ મળી નથી ત્યારે ડ્રોન કેમેરાની પણ મદદ લેવામાં આવી રહી છે.
સુરત જિલ્લાના કામરેજના વાવ ગામ ખાતે રહેતા આંજુભાઈ તથા તેની પત્ની તીતાબેન મજુરી કામ કરી પરિવારનું ગુજરાન ચલાવે છે તેમને સંતાનમાં માત્ર એક વર્ષની બાળકી માયા છે.હાલમાં પતિ પત્ની વાવ ખાતે આવેલ બંસરી રિસોર્ટની બાજુમાં એક બાંધકામ સાઈટમાં કામ કરે છે અને ત્યાં જ ઝુંપડું બાંધી અન્ય મજૂરો સાથે વસવાટ કરે છે. મધ્યપ્રદેશમાં વતનમાં કામ હોવાથી આંજુભાઈ કામ અર્થે વતન ગયા હતા. આ દરમિયાન પત્ની તીતાબેન ગતરોજ રાત્રે ૧૦:૦૦ વાગ્યાના અરસામાં તેની માસુમ પુત્રી સાથે ઘરે બેઠી હતી.તીતાબેન પોતાના માટે જમવાનું બનાવતા હતા ત્યારે તેની એક વર્ષની પુત્રી માયાને બાજુમાં સુવડાવી હતી. આ દરમિયાન અચાનક જ એક શ્વાન દોડીને તેમની પાસે આવ્યું હતું અને તીતાબેનની નજર સામે જ એક વર્ષની બાળકી માયાને ખેંચીને ડોટ લગાવી હતી. જેથી તીતાબેન તેની પાછળ દોડી ગયા હતા અને બૂમાબૂમ કરતા આજુબાજુમાં રહેતા ૧૦૦ થી વધુ મજૂરો પણ શ્વાનની પાછળ ડોટ મૂકી હતી. શ્વાન આજુબાજુના ખેતરોમાંથી ભાગી ગયો હતો.
પોલીસે બાળકીને શોધવા ફાયર બ્રિગેડ અને ડોગ સ્કોડની પણ મદદ દીધી હતી. સવારથી ડોગ સ્કોર્ડ પણ ઘટના સ્થળે પહોંચી શ્વાન માસુમ બાળકીને કઈ બાજુ લઈને ભાગી ગયું છે તે દિશામાં પણ તપાસ હાથ ધરી છે .છતાં હજુ સુધી બાળકીનો કોઈ પતો મળ્યો નથી.પોલીસ દ્વારા ડ્રોન કેમેરાની પણ મદદ લેવામાં આવી છે.ઝાડી ઝાંખરામાં ડ્રોન થી ચર્ચ કરવામાં આવી રહ્યું છે.ઝડપથી બાળકીનો પત્તો લાગી સહી સલામત મળે તેવી પ્રાર્થના સ્થાનિકો કરી રહ્યા છે.
#CGNews #Search operation #police #missing #Attack #dog #child #mother #Surat