પર્વત પાટીયા વિસ્તારના અનેક માર્ગ બન્યા બિસ્માર
ભારે વરસાદના કારણે રોડ પર પડ્યા ઠેર ઠેર ખાડા
બિસ્માર માર્ગને લઈને યૂથ કોંગ્રેસનો અનોખો વિરોધ
રોડ પર પડેલા ખાડામાં BJPનો ઝંડો લગાડી વિરોધ
વિરોધ કરતાં કોંગી કાર્યકરોની પોલીસે કરી અટકાયત
સુરત શહેરના પર્વત પાટીયા વિસ્તારમાં ભારે વરસાદના કારણે રોડ પર ઠેર ઠેર ખાડા પડી જતાં યૂથ કોંગ્રેસ દ્વારા વિરોધ પ્રદર્શન યોજાયું હતું, જ્યાં માર્ગ પર પડેલા ખાડામાં ભાજપનો ઝંડો લગાવી ઉગ્ર સૂત્રોચ્ચાર કરતાં પોલીસે કોંગી કાર્યકરોની અટકાયત કરી હતી.
સુરત શહેરમાં ખાબકેલા ભારે વરસાદના કારણે પર્વત પાટીયા વિસ્તારમાં માર્ગ પર ખાડા પડી ગયા છે. જેના કારણે રાહદારીઓ અને વાહન ચાલકોને માર્ગ પરથી પસાર થવું મુશ્કેલરૂપ બની ગયું છે, ત્યારે માર્ગ પર પડેલા ખાડાને લીધે યૂથ કોંગ્રેસના કાર્યકરોએ વિરોધનો સુર પુરાવ્યો હતો. યૂથ કોંગ્રેસના કાર્યકરોએ માર્ગ પર પડેલા ખાડામાં ભાજપનો ઝંડો લગાવી ઉગ્ર સૂત્રોચ્ચાર કર્યા હતા. જોકે, વિરોધ કરી રહેલા યૂથ કોંગ્રેસના કાર્યકરોની પોલીસ દ્વારા અટકાયત કરવામાં આવી હતી.