iQoo લાવી રહ્યો છે ઓછી કિંમતનો ફ્લેગશિપ ફોન, આ દિવસે થશે લોન્ચ, જાણો ફીચર્સ.!

સ્માર્ટફોન બ્રાન્ડ iQoo તેનો નવો ફ્લેગશિપ સ્માર્ટફોન iQoo Neo 7 લોન્ચ કરવા માટે તૈયાર છે. આ ફોનને સૌથી પહેલા સ્થાનિક બજારમાં રજૂ કરવામાં આવશે. ફોનનું લોન્ચિંગ 20 ઓક્ટોબરે છે. iQOO Neo 7 ને iQOO Neo 6 ના અપગ્રેડ તબક્કામાં રજૂ કરવામાં આવી રહ્યું છે. કંપનીએ આ ફોનનું ટીઝર પણ રિલીઝ કર્યું છે, જેમાં ફોન ઓરેન્જ કલરમાં જોવા મળી રહ્યો છે.

iQoo Neo 7 ના લોન્ચ પહેલા આપેલા ફોનના સ્પેસિફિકેશન વિશે પણ માહિતી બહાર આવી રહી છે. આ સ્માર્ટફોનમાં MediaTek Dimensity 9000+ પ્રોસેસર અને 8 GB RAM સાથે 256 GB સ્ટોરેજ મળશે. કંપની દાવો કરે છે કે ફોન ઘણો પાવરફુલ છે અને તેની સાથે AnTuTu બેન્ચમાર્ક પર 10,80,717 પોઈન્ટનો સ્કોર આવે છે.

Qoo Neo 7 માં 6.78-ઇંચની FullHD Plus Samsung E4 AMOLED ડિસ્પ્લે મળી શકે છે, જે 120Hz રિફ્રેશ રેટ સાથે આવશે. સ્માર્ટફોનમાં ઓપ્ટિકલ ફિંગરપ્રિન્ટ સ્કેનર, IR બ્લાસ્ટર અને NFC પણ સપોર્ટ કરી શકાય છે. ફોન સાથે ગેમિંગ માટે લિક્વિડ કૂલિંગ સિસ્ટમ પણ ઉપલબ્ધ હશે.

iQoo Neo 7 ના કેમેરા વિશે વાત કરીએ તો, ફોનમાં 50-મેગાપિક્સલનો પ્રાઇમરી કેમેરા મળશે, જે Sony IMX 766V સેન્સર સાથે આવશે. ફોન સાથે 16 મેગાપિક્સલનો સેલ્ફી કેમેરા પણ ઉપલબ્ધ હશે. ફોન સાથે 13-મેગાપિક્સલનો અલ્ટ્રા-વાઇડ એંગલ લેન્સ અને 12-મેગાપિક્સલનો પોટ્રેટ ટેલિફોટો લેન્સ પણ મળી શકે છે. ફોન સાથે મોટી 5,000mAh બેટરી અને 120W ફાસ્ટ વાયર્ડ ચાર્જિંગ સપોર્ટ મળી શકે છે. જોકે કંપનીએ ફોનની કિંમતનો ખુલાસો કર્યો નથી, પરંતુ આશા છે કે આ ફોન 25 થી 30 હજારની કિંમતમાં લોન્ચ કરવામાં આવશે.