iQoo Neo 7 5G : IQOO ના નવા ફ્લેગશિપ ફોનનું ટીઝર રિલીઝ, ભારતનું પ્રથમ ડાયમેન્સિટી 8200 SoC મળશે.!

સ્માર્ટફોન બ્રાન્ડ iQoo એ પણ તેના નવા ફ્લેગશિપ ફોન iQoo 11 5G પછી ભારતમાં iQoo Neo 7 5G લોન્ચ કરવાની તૈયારી કરી છે. કંપની આ ફોન ભારતમાં 16 ફેબ્રુઆરીએ લોન્ચ કરવા જઈ રહી છે. કંપનીએ ફોનનું ટીઝર પણ ઓફિશિયલ સાઈટ પર લાઈવ કર્યું છે. આ ફોન ભારતના પ્રથમ MediaTek Dimensity 8200 પ્રોસેસરથી સજ્જ હશે. ફોન ખાસ કરીને ગેમર્સ માટે રજૂ કરવામાં આવશે. સામે આવેલી માહિતી અનુસાર, ફોન 3D કૂલિંગ સિસ્ટમથી સજ્જ હશે.

ફોનના ટીઝર અને ડિઝાઇન અનુસાર, iQoo Neo 7 5G iQoo Neo 7 SEનું રિબ્રાન્ડેડ વર્ઝન હશે. આ ફોનને ગત વર્ષે ડિસેમ્બરમાં સ્થાનિક બજારમાં રજૂ કરવામાં આવ્યો હતો. ભારતમાં, ફોન બ્લેક અને બ્લુ બે કલર વિકલ્પોમાં ઓફર કરી શકાય છે. જો કે ફોનની કિંમત હજુ જાહેર કરવામાં આવી નથી. iQoo Neo 7 SE સ્થાનિક બજારમાં CNY 2,099 (આશરે રૂ. 24,800) ની કિંમતે રજૂ કરવામાં આવ્યું હતું. એટલે કે ભારતમાં પણ ફોનની કિંમત 30 હજારથી ઓછી હોઈ શકે છે.

iQoo એ તેની સત્તાવાર વેબસાઇટ પર ભારતમાં iQoo Neo 7 માટે નવું ટીઝર પેજ લોન્ચ કર્યું છે. ફોન ભારતમાં એમેઝોન દ્વારા એક્સક્લુઝિવલી ઉપલબ્ધ થશે. ટીઝર પેજ જ દર્શાવે છે કે ફોન MediaTek Dimensity 8200 SoC દ્વારા સંચાલિત થશે. આ પ્રોસેસર સાથે ભારતમાં આવનારો આ પહેલો ફોન હશે.