OnePlus નો નવો કોન્સેપ્ટ ફોન MWC 2023 માં થઈ શકે છે લોન્ચ!, જાણો શું હશે ખાસ..

સ્માર્ટફોન બ્રાન્ડ વનપ્લસ ટૂંક સમયમાં તેનો નવો કોન્સેપ્ટ ફોન મોબાઈલ (વનપ્લસ કોન્સેપ્ટ ટુ) રજૂ કરી શકે છે. આ ફોનને મોબાઈલ વર્લ્ડ કોંગ્રેસ (MWC 2023)માં રજૂ કરવામાં આવી શકે છે. આ ઇવેન્ટ આ વર્ષે 27મી ફેબ્રુઆરીથી 3જી માર્ચ દરમિયાન બાર્સેલોના સ્પેનમાં યોજાવાની છે. જો કે કંપનીએ હજુ સુધી તેની સત્તાવાર જાહેરાત કરી નથી, પરંતુ એક ટિપસ્ટરે આ ફોન વિશે કેટલીક મહત્વપૂર્ણ માહિતી આપી છે. એવું કહેવામાં આવી રહ્યું છે કે આ ફોનને OnePlus Concept Two નામથી રજૂ કરવામાં આવશે. જણાવી દઈએ કે OnePlus ની આ વર્ષની મેગા ઈવેન્ટ OnePlus Cloud 11 આવતા મહિને 7 ફેબ્રુઆરીએ થવા જઈ રહી છે. આ ઇવેન્ટમાં કંપની OnePlus 11 5G લોન્ચ કરવા જઈ રહી છે.

Tipster Max Jambor એ OnePlus કોન્સેપ્ટ 2 વિશે દાવો કર્યો છે. ટિપસ્ટર અનુસાર, OnePlus કોન્સેપ્ટ ટુ ફોન મોબાઇલ વર્લ્ડ કોંગ્રેસ 2023માં રજૂ કરવામાં આવશે. ટિપસ્ટરે લખ્યું, "મોબાઇલ વર્લ્ડ કોંગ્રેસ 2023 લગભગ એક મહિના દૂર છે અને અનુભવ કરવા માટે કેટલાક નવા ઉત્પાદનો હશે! તેમાંથી એક #OnePlusConceptTwo" હશે.

જણાવી દઈએ કે કંપનીએ હજુ સુધી ફોન વિશે કોઈ માહિતી આપી નથી. દાવો કરવામાં આવી રહ્યો છે કે કંપની ફોન સાથે નવી ટેક્નોલોજી રજૂ કરી શકે છે. આ ફોન OnePlus Concept Oneનું નવું જનરેશન મોડલ હશે, જે 2020માં રજૂ કરવામાં આવ્યું હતું.