Connect Gujarat
ટ્રાવેલ 

દિવાળીના વેકેશન દરમિયાન ભારતમાં ફરવા માટેના આ શ્રેષ્ઠ સ્થળો

ઑક્ટોબર અને નવેમ્બર મહિનો એવો હોય છે કે જ્યારે ન તો ખૂબ ગરમી હોય છે કે ન તો ઠંડી. આ હવામાન મુસાફરી માટે યોગ્ય છે.

દિવાળીના વેકેશન દરમિયાન ભારતમાં ફરવા માટેના આ શ્રેષ્ઠ સ્થળો
X

ઑક્ટોબર અને નવેમ્બર મહિનો એવો હોય છે કે જ્યારે ન તો ખૂબ ગરમી હોય છે કે ન તો ઠંડી. આ હવામાન મુસાફરી માટે યોગ્ય છે. આવી સ્થિતિમાં તમે નેશનલ પાર્કથી લઈને પર્વતો અને એડવેન્ચર પ્લેસ સુધી ક્યાંય પણ ફરવાનો પ્લાન બનાવી શકો છો. તેથી આ વખતે દિવાળીનો તહેવાર ઓક્ટોબરમાં છે ત્યારે મોટાભાગના સ્થળોએ 3 થી 4 દિવસની રજા છે. તેથી કેટલાક સ્થળોની મુલાકાત માટે આ શ્રેષ્ઠ તક છે. તો ઓક્ટોબરમાં તમે ભારતના આ સ્થળોનું આયોજન કરી શકો છો.લાચેન (સિક્કિમ) :-


સિક્કિમમાં લાચેન એક નાનકડું સુંદર સ્થળ છે. તેથી જો તમે ઉત્તરાખંડ, હિમાચલ સિવાય કંઈક નવું અને રસપ્રદ શોધવાનું વિચારી રહ્યાં છો, તો તમે અહીં જઈ શકો છો ચારેબાજુ બરફીલી ટેકરીઓ અને ખીણોથી ઘેરાયેલું લાચેન ઓક્ટોબરમાં ફરવા માટેનું શ્રેષ્ઠ સ્થળ છે. લાચેનમાં થંગુ વેલી, ચોપટા વેલી, લાચેન મઠ અને ગુરુડોંગમાર તળાવને જોવાનું ચૂકશો નહીં.

કુન્નૂર (તમિલનાડુ) :-


લીલાછમ પહાડોથી શણગારેલા તમિલનાડુના કુન્નુરની મુલાકાત લેવાનું આયોજન આ સિઝનમાં શ્રેષ્ઠ રહેશે. દૂર-દૂર સુધી ફેલાયેલા ઘાસ અને ચાના બગીચા પ્રવાસીઓને આકર્ષે છે. આ સ્થળ પ્રકૃતિ પ્રેમીઓ માટે તો શ્રેષ્ઠ છે જ, સાથે જ ટ્રેકિંગના શોખીનો માટે પણ આ સ્થળ સ્વર્ગથી ઓછું નથી.

ઝીરો વેલી (અરુણાચલ પ્રદેશ) :-


અરુણાચલ પ્રદેશની ઝીરો વેલીનું નામ વર્ડ હેરિટેજ સાઇટની યાદીમાં સામેલ છે. જો તમે કોઈ સુંદર અને શાંતિપૂર્ણ જગ્યાએ જઈને તમારા વેકેશનનો આનંદ માણવા ઈચ્છો છો, તો વિલંબ કર્યા વિના અહીં એક પ્લાન બનાવો. ઝીરો વેલીમાં પહોંચીને તમને એક અલગ જ દુનિયામાં હોવાનો અહેસાસ થશે. તાલી ઘાટી ફોરેસ્ટ વાઇલ્ડલાઇફ, મેઘના ગુફા મંદિર અને સિદ્ધેશ્વર નાથ મંદિર પણ નજીકમાં સ્થિત છે. જે જોવાલાયક સ્થળો છે. આ ઉપરાંત, તમે અહીંના પ્રખ્યાત વ્યુ પોઈન્ટ પરથી તમારી યાદો અને કેમેરામાં સંપૂર્ણ પણે કેદ કરી શકો છો.

સ્પીતિ (હિમાચલ પ્રદેશ) :-


હિમાચલ પ્રદેશની સ્પીતિ ખીણમાં પહોંચીને તમે પ્રકૃતિનો અનોખો નજારો જોઈ શકો છો. રંગબેરંગી પહાડો, માથા ઉપર સ્વચ્છ વાદળી આકાશ અને ઘોંઘાટથી દૂર. ઑક્ટોબરમાં ઉત્તર ભારતમાં જોવા માટે સ્પીતિ વેલી શ્રેષ્ઠ સ્થળો પૈકી એક છે. પીરોજ-ગ્રે સ્પીતિ નદી, ખીણના ઈંટ-માટીના ઘરો, લીલાછમ ખેતરો અને છૂટાછવાયા મઠની સાથે સમય પસાર કરવાની એક અલગ જ મજા છે.

શિલોંગ :-


તમે આ રજાઓ દરમિયાન શિલોંગ માટે પણ પ્લાન કરી શકો છો. શિલોંગ મેઘાલયની સૌથી સુંદર જગ્યાઓમાંથી એક છે. સુંદર નજારો, વરસાદના હળવા ટીપાં, પાઈનના ઊંચા વૃક્ષો, સમયાંતરે વહેતી ખીણો, બધું જ તેની સુંદરતામાં વધારો કરવાનું કામ કરે છે.

Next Story