સલમાન ખાનને ધમકી આપનાર યુવકે પ્રસિદ્ધિ મેળવવા માટે કરી હતી જોખમી હરકત,પોલીસે કરી પૂછપરછ

• સલમાન ખાનને ધમકી આપવાનો મામલો

• ઘટનામાં મુંબઈથી ગુજરાત સુધી જોડાયા તાર

• વડોદરાના યુવકની પોલીસે કરી અટકાયત

• પ્રસિદ્ધિ માટે યુવકે કરી જોખમી હરકત

• પોલીસ તપાસમાં કંઇજ વાંધાજનક ન મળ્યું  

Advertisment

બોલીવુડ સ્ટાર સલમાન ખાનને ફરી એકવાર મોતની ધમકી મળી હતી. ટ્રાફિક પોલીસ વિભાગને વોટ્સએપ પર એક મેસેજ મળ્યો હતો.આ ઘટનાની તપાસનો રેલો વડોદરા સુધી પહોંચ્યો હતો,અને મયંક પંડ્યાની પોલીસે અટકાયત કરીને પૂછપરછ કરતા સમગ્ર બાબત પરથી પડદો ઉંચકાયો હતો.

બોલીવુડ ભાઈજાન સલમાન ખાનને ઘરમાં ઘૂસીને જાનથી મારી નાખવાની અને બોમ્બથી ઉડાવી દેવાની ધમકી ભર્યો મેસેજ મુંબઈ ટ્રાફિક પોલીસ વિભાગને મળ્યો હતો.આ ઉપરાંત વરલી પોલીસ સ્ટેશનમાં પણ ફોન કરવામાં આવ્યો હતો. આ ફોન કોલના આધારે પોલીસે કેસ નોંધીને તપાસ શરૂ કરી હતી, આ મામલે પોલીસે વડોદરાનાં 26 વર્ષીય યુવક મયંક પંડ્યાની અટકાયત કરી છે.

મયંક પંડ્યાએ મુંબઈ ટ્રાફિક પોલીસની વોટ્સએપ હેલ્પલાઈન પર ધમકી ભર્યો મેસેજ મોકલ્યો હતો, જેમાં લખ્યું હતું કે, "હું સલમાન ખાનના ઘરમાં ઘૂસીને તમને મારી નાખીશું અને તેમની કારને બોમ્બથી ઉડાવી દઈશ.' જોકે મેસેજમાં બિશ્નોઈ ગેંગનું નામ નહોતું.

વડોદરાના રવાલ ગામમાં રહેતો મયંક પંડ્યા ખુબ જ સામાન્ય પરિવારનો છે,તેને આ હરકત સોશિયલ મીડિયામાં પ્રસિદ્ધિ મેળવવા માટે કરી હોવાનું જાણવા મળ્યું છે.અને પોલીસને પણ તેની તપાસ દરમિયાન કઈં જ વાંધા જનક બાબત જાણવા મળી નથી.