વડોદરા : જાતિ વિષયક શબ્દને લઈને પાદરાના ગામેઠા ગામે 2 જૂથ વચ્ચ અથડામણ, પોલીસ કાફલો દોડી આવ્યો...

વડોદરા જિલ્લાના પાદરા તાલુકાના ગામેઠા ગામમાં જાતિ વિષયક શબ્દને લઈને 2 જુથ વચ્ચે અથડામણ થતાં પોલીસના ઉચ્ચ અધિકારી સહીતનો પોલીસ કાફલો ઘટના સ્થળે દોડી આવ્યો હતો.

મળતી માહિતી અનુસાર, વડોદરા જિલ્લાના પાદરા તાલુકાના ગામેઠા ગામમાં જાતિ વિષયક શબ્દને લઈને 2 સમુદાયના જૂથે વચ્ચે ઉગ્ર બોલાચાલી બાદ મામલો બિચક્યો હતો. અગાઉ ગામેઠા ગામમાં રહેતા દલિત સમાજના વૃધ્ધનું અવસાન થતા ગામના એક માત્ર સ્મશાનમાં ગામ સરપંચના પતિ સહિત 13 લોકોએ અંતિમ વિધી ન કરવા દેતા દલિતોને ગામના સ્મશાનથી દૂર અંતિમ સંસ્કાર કરવાની ફરજ પડી હતી, ત્યારે આજે એ ઘટનાના પડઘા ફરીથી પડતા પાદરા પોલીસ તેમજ જિલ્લા કક્ષાના અધિકારી, DYSP સહિતનો પોલીસનો કાફલો ઘટના સ્થળે દોડી આવ્યો હતો. આ જ ગામમાં વધુ એક વાર વિવાદ પોલીસે મામલો નિયંત્રણમાં લીધા હતો. જોકે ગામેઠા ગામમાં અચંબાભર્યો માહોલ જોવા મળ્યો હતો. તો બીજી તરફ, પોલીસે ફરિયાદ નોંધી તપાસના ચક્રો ગતિમાન કર્યા છે.