વડોદરા: મહાનગર પાલિકા દ્વારા કોનોકોર્પસ નામના હાનિકારક વૃક્ષોની કરવામાં આવી છટણી

વડોદરા શહેરને હરિયાળુ બનાવવાના ભાગરૂપે શહેરના વિવિધ વિસ્તારોમાં કોનોકોર્પસ નામના વૃક્ષો ડિવાઇડરો વચ્ચે રોપવામાં આવ્યા હતા જે બિનજરૂરી હોઇ વૃક્ષોની છટણીની કામગીરી શરૂ કરવામાં આવી છે જેના કારણે વિવાદ ઊભો થયો છે

વડોદરા શહેરને હરિયાળુ બતાવવા માટે વર્ષ-2017 મા આફ્રો-અમેરિકન મૂળના કોનોકોર્પસ નામના વૃક્ષો શહેરના વિવિધ વિસ્તારો જેવાં કે, અકોટા દાંડિયાબજાર રોડ, તરસાલી, કારેલીબાગ, જેલરોડ, ન્યૂ વીઆઇપી રોડ, અમીતનગરથી કારેલીબાગ, અકોટા દાંડિયાબજાર ચારરસ્તા થી રાજમહેલરોડ તથા કાલાઘોડા તરફના રોડ સહિત કુલ 20,000જેટલા આ વૃક્ષો પાછળ કહેવાતા સ્માર્ટ પાલિકા તંત્ર દ્વારા લાખ્ખો રુપિયા ખરીદવામાં તથા તેની માવજત પાછળ વેડફી દેવામાં આવ્યા છે. આ વૃક્ષો એલર્જિક વૃક્ષો છે પર્યાવરણવાદીઓ તથા નિષ્ણાતોના મતે આ વૃક્ષો પક્ષીઓ, પતંગિયાઓ, ખિસકોલી સહિત કોઇના માટે ઉપયોગી નથી તેને ઉછેરમાં પાણીનો અઢળક વ્યય થાય છે.આ વૃક્ષથી અસ્થમા, દમ, શ્વાસની સાથે અન્ય બિમારીઓ થઇ શકે છે પાકિસ્તાન જેવા દેશમાં આ કોનોકોર્પસ પર પ્રતિબંધ છે ત્યારે વડોદરાના સ્માર્ટ પાલિકા તંત્ર દ્વારા લોકોના સ્વાસ્થ્ય ની ચિંતા વગર, આ વૃક્ષોથી અન્ય આસપાસના સ્ટ્રક્ચરને નુકશાન થઇ શકે છે ત્યારે મોડે મોડે જાગેલ મહાનગર પાલિકા દ્વારા આ હાનિકારક વૃક્ષો દૂર કરવામાં આવી રહ્યા છે.