વડોદરા: વાઘોડિયા જીઆઇડીસીની શ્રી જે જે ફોર્મ કંપનીમાં ભીષણ આગથી નાસભાગ મચી

વડોદરાના વાઘોડિયા જીઆઈડીસીમાં આવેલ શ્રી જે જે ફોર્મ નામની કંપનીના ગોડાઉનમાં અચાનક આગ ફાટી નીકળતા નાસભાગ મચી ગઈ હતી.વડોદરાની  વાઘોડિયા  જીઆઈડીસીમાં આવેલ જે જે ફોર્મ નામની કંપનીના ગોડાઉનમાં અચાનક આગ લાગી હતી,ઘટનાને પગલે સ્થાનિક લોકોમાં ભારે નાસભાગ મચી ગઈ હતી.

જોત જોતામાં આગે વિકરાળ સ્વરૂપ ધારણ કર્યું હતું,અને ઘટના અંગે ફાયર સ્ટેશનમાં જાણ કરવામાં આવતા ખાનગી કંપની સહિતના ફાયર લાશ્કરો ફાયર ટેન્ડર સાથે દોડી આવ્યા હતા,અને આગ પર પાણીનો મારો ચલાવીને કાબુ મેળવવાનો પ્રયાસ શરૂ કર્યો હતો,જ્યારે ભારે જહેમત બાદ આગ પર કાબુ મેળવી લેવામાં આવ્યો હતો.

અને આગમાં બચી ગયેલા માલસામાનને સુરક્ષિત રીતે બહાર ખસેડવાની કામગીરી પણ કરવામાં આવી હતી.આગમાં સદનસીબે કોઈ જાનહાની પહોંચી નહતી.અને આગ લાગવા અંગેનું કારણ જાણવા માટે પોલીસ દ્વારા પ્રયાસો શરૂ કરવામાં આવ્યા છે.