વડોદરા શહેરના સમા કેનાલ રોડ ઉપર એક અકસ્માતની ઘટના સામે આવી હતી જેમાં સ્કોર્પિયો ચાલકે દંપતી જોડને અડફેટે લીધા હતા.
માહિતી અનુસાર વડોદરા શહેરના સમા કેનાલ રોડ ઉપર રાત્રિના 11 વાગ્યાના સુમારે અકસ્માતની ઘટના સામે આવી હતી પતિ પત્ની ચાલવા માટે નીકળ્યા હતા. તે દરમ્યાન એક સ્કોર્પિયો ગાડી પૂર ઝડપે આવીને બંને પતિ પત્નીને અડફેટે લીધા હતા અકસ્માત કરીને ગાડી સીધી એમ્પાયર હોસ્પિટલ ના કમ્પાઉન્ડમાં ઘૂસીને પલટી મારી ગઈ હતી.. આ બનાવમાં શિલ્પાબેન વિપુલભાઈ કટુડીયા નામના મહિલાનું ઘટના સ્થળે મોત નિપજ્યું હતું અને પતિને ગંભીર હાલતમાં હોસ્પિટલ ખાતે ખસેડવામાં આવ્યો છે... સામે આવતી માહિતી અનુસાર અકસ્માત કરનાર ડ્રાઇવર આ ઘટના બાદ મહિલાને જોવા પણ ગયો હતો પરંતુ મહિલાની હાલત જોયા બાદ ફરાર થઈ ગયો હતો.. ઘટનાની જાણ થતા સમા પોલીસ દ્વારા આગળની તપાસ હાથ ધરવામાં આવી છે..