વડોદરામાં સાત વર્ષથી પ્રેમ સંબંધ ધરાવતી પરિણીત પ્રેમિકાને વિધર્મી યુવકે અઢી લાખ માટે મોતને ઘાટ ઉતારી દેવાની ચકચારી ઘટના સામે આવી છે વડોદરા શહેર નજીક આવેલ પોર GIDCમાં રહેતી પરિણીત પ્રેમિકાને સાતથી આઠ વર્ષથી પ્રેમ સંબંધ ધરાવતા વિધર્મી પ્રેમીએ અઢી લાખ રૂપિયા પરત આપવાના છેલ્લા વાયદાએ બોલાવી ગળું દબાવી હત્યા કર્યાની ઘટના સામે આવી છે.

હત્યા બાદ પ્રેમીએ તેની લાશ દાટી દીધી હતી અને પતિ ગુમ થયેલ પત્નીને નવ દિવસથી શોધતો રહ્યો. આખરે વરણામા પોલીસે સમગ્ર હત્યાકાંડનો પર્દાફાશ કરી આરોપી વિધર્મી પ્રેમીને પણ ઝડપી લીધો છે.વડોદરા નજીક આવેલ પોર GIDCમાં રહેતી 35 વર્ષિય મિત્તલબેન રાજુભાઇ બાવળીયા નામની યુવતીને છેલ્લા સાત-આઠ વર્ષથી ઇસ્માઇલ ઇબ્રાહિમ પરમાર (રહે. ગામ. ખેરડા. તા કરજણ, જી. વડોદરા) સાથે પ્રેમ સંબંધ હતો. મિત્તલ પરિણીત છે અને તેના લગ્ન રાજુભાઇ બાવળિયા સાથે થયેલા હતા. પરંતુ ઇસ્માઇલ સાથે પ્રેમ સંબંધ હોવાથી મિત્તલે ઇસ્માઇલને અઢી લાખ રૂપિયા ઉછીના આપ્યા હતા. આ રૂપિયા મિત્તલ વાંરવાર પરત માંગતી હતી.

પરંતુ ઇસ્માઇલ રુપિયા પરત આપવાને બદલે વાયદા પર વાયદા કરતો હતો. મિત્તલના રૂપિયાની માંગણી વધતા આખેરે ઇસ્માઇલે તેની હત્યા માટેનું કાવતરું ઘડી કાઢ્યું હતું.ઇસ્માઇલે મિત્તલ પાસે રૂપિયા પરત કરવા માટે છેલ્લો વાયદો માંગ્યો હતો. જેથી મિત્તલે ઇસ્માઇલ પર ભરોસો કર્યો હતો. પરંતુ ઇસ્માઇલના મનમાં કંઇક અલગ જ ચાલી રહ્યું હતું.

ઇસ્માલ ગત 22 જાન્યુઆરી 2022ના રોજ સાંજે મિત્તલ પાસે પહોંચ્યો હતો અને તેને બાઇક પર બેસાડી પોર GIDC પાસે આવેલ કાશીપુરા-સરાર રોડ પર આવેલ રમણગામડી ગામની સીમમાં ખુલ્લી જગ્યા લઇ ગયો હતો. જ્યાં તેણે મિત્તલને માટીના ઢગલા પર ધક્કો મારી નીચે પાડી દીધી હતી અને ગળું દબાવી દઇ તેની હત્યા કરી નાખી હતી. જ્યાર બાદ મિત્તલની લાશને તેણે માટીના ઢગલામાં દાટી દીધી હતી અને કશું જ બન્યું ન હોય તેમ ઘરે પરત ફર્યો હતો.