અમેરિકા-ઓસ્ટ્રેલિયા બાદ હવે ભારતને મળ્યું શ્રીલંકાનું સમર્થન, કહ્યું કેનેડા આતંકવાદીઓ માટે સુરક્ષિત આશ્રયસ્થાન....
કેનેડા-ભારત વચ્ચે ચાલી રહેલા વિવાદ વચ્ચે શ્રીલંકાના વિદેશ મંત્રીએ કહ્યું કે કેટલાક આતંકવાદીઓને કેનેડામાં સુરક્ષિત આશ્રય મળી રહ્યો છે.
ભારત પર કેનેડાએ પાયાવિહોણા આક્ષેપ કર્યા બાદ હવે ચારેય બાજુએથી ઘેરાય ગયુ છે. પહેલા અમેરિકા, ઓસ્ટ્રેલિયા જેવા દેશોએ ભારતને સમર્થન આપ્યા બાદ હવે પાડોશી દેશ શ્રીલંકાએ પણ ભારતને સમર્થન આપ્યું છે. કેનેડા-ભારત વચ્ચે ચાલી રહેલા વિવાદ વચ્ચે શ્રીલંકાના વિદેશ મંત્રીએ કહ્યું કે કેટલાક આતંકવાદીઓને કેનેડામાં સુરક્ષિત આશ્રય મળી રહ્યો છે.
શ્રીલંકના વિદેશમંત્રી અલી સાબરી(Ali Sabry)એ વધુમાં કહ્યું હતું કે કેનેડિયન પ્રધાનમંત્રીની પાસે કોઈપણ પુરાવા વગર આક્ષેપો કરવાની આ જ રીત છે. આ ઉપરાંત વધુમાં કહ્યું હતું કે ટુડોએ શ્રીલંકા વિશે પણ આવી જ પાયાવિહોણી વાત કરી હતી અને કહ્યું હતું કે શ્રીલંકામાં ભયંકર નરસંહાર થયો હતો, જે સંપૂર્ણરીતે ખોટી વાત હતી. વિદેશમંત્રીએ કહ્યું હતું કે બધા લોકો જાણે છે કે આમારા દેશમાં આવોકોઈ નરસંહાર થયો ન હતો. સાબરીએ વધુમાં આગણા જણાવતા બોલ્યા હતા કે મેં ગઈકાલે જોયું કે કેવી રીતે ટુડો નાઝીઓ સાથે જોડાયેલા કોઈ વ્યક્તિનું જોરદાર સ્વાગત કરી રહ્યા હતા. શ્રીલંકાના મંત્રીએ કહ્યું કે આ શંકાસ્પદ છે.
