‘મિલ એન્ડ્સ પાર્ક'વિશ્વનો સૌથી નાનો ઉદ્યાન' અંદર માત્ર 1 વૃક્ષ

દુનિયાનો સૌથી નાનો ઉદ્યાન એટલો નાનો છે કે તેમાં એકલા ફરવાનું છોડી દો. તેમાં એકલા વ્યક્તિ માટે બેસવું પણ ખૂબ જ પડકારજનક છે.

દુનિયાના સૌથી નાનો  પાર્ક કે જે એક પોટ જેટલું જ નાનો  છે. ગિનીસ વર્લ્ડ રેકોર્ડના અહેવાલ મુજબ, વિશ્વનો સૌથી નાનો ઉદ્યાન ફૂલદાની અથવા પોટ સમાન છે. તે એટલો નાનો છે કે તેમાં એક જ વૃક્ષ વાવેલ છે. આ પાર્કનું નામ ‘મિલ એન્ડસ પાર્ક' છે જે પોર્ટલેન્ડ, ઓરેગોન, યુએસએમાં આવેલો  છે.

1948 માં તેને સિટી પાર્ક તરીકે જોવામાં આવ્યો હતો. વર્ષ 1979 માં ગિનિસ વર્લ્ડ રેકોર્ડે પણ તેને સૌથી નાના પાર્કનો દરજજો આપ્યો હતો. તે માત્ર ૨૨ ફૂટ પહોળો છે અને તેનો સમગ્ર વિસ્તાર 452 ચોરસ ઈંચ છે. પોર્ટલેન્ડ.ગોવ વેબસાઈટ અનુસાર, 1946 માં ડિક ફેગન નામનો વ્યક્તિ સેનામાં હતો. બીજા વિશ્વયુદ્ધ પછી જયારે તે ઓરેગોન પાછો ફર્યો ત્યારે તેણે ઓરેગોન જર્નલમાં પત્રકાર તરીકે કામ કરવાનું શરૂ કર્યું. તેની ઓફિસની નીચેથી એક વ્યસ્ત શેરી દેખાતી હતી. ત્યાં એક મોટો ખાડો બનાવવામાં આવ્યો હતો જેમાં લાઈટનો પોલ લગાવવાનો હતો. જયારે ઘણા દિવસો વીતી ગયા અને ત્યાં પોલ ન લગાવ્યો, ત્યારે ડિકે તે જગ્યાએ એક વૃક્ષ વાવવાનું વિચાર્યું.

તે સમયે, ડિક મિલ એન્ડ નામથી અખબારોમાં કોલમ લખતો હતો. આ કોલમમાં તેઓ શહેરના જુદા-જુદા ઉદ્યાનોના અહેવાલો લખતા હતા, જેમાં તેઓ ત્યાં થતા કાર્યક્રમોની માહિતી આપતા હતા. આ કારણોસર તેણે આ પાર્ક વિશે પણ માહિતી આપવાનું શરૂ કર્યું. તેણે તેનું નામ આપ્યું અને તેને સૌથી નાના ઉદ્યાનનું બિરુદ આપ્યું. આ પાર્ક સેન્ટ પેટ્રિક ડે પર સમર્પિત કરવામાં આવ્યો હતો કારણ કે ફાગન એક સારો આઇરિશમેન હતો. વર્ષ 1999માં તેમનું અવસાન થયું. ૫રંતુ ત્યાં સુધી તેઓ આ ઉદ્યાન વિશે નિયમિત લખતા હતા. તેમનું માનવું હતું કે આ ઉદ્યાનમાં લેપ્રચાઉન્સ રહેતા હતા. લેપ્રેચાઉન્સ આઇરિશ વાર્તાઓના કાલ્પનિક પાત્રો હતા જે કદમાં ખૂબ નાના હતા. તે પછી, એવું માનવામાં આવતું હતું કે આ પાર્કમાં પતંગિયા, ગોકળગાય વગેરેની રેસ થાય છે.2009માં બાંધકામને કારણે આ પાર્કને થોડા સમય માટે આ જગ્યાએથી હટાવી દેવામાં આવ્યો હતો.