બોસ્ટનમાં કેરેબિયન ફેસ્ટિવલમાં થયો ગોળીબાર, 7 લોકોને ગોળી વાગતાં હોસ્પિટલમાં દાખલ કરાયા….

બોસ્ટનમાં ગઈકાલે સવારે કેરેબિયન ફેસ્ટિવલ દરમિયાન ગોળીબાર થયો હતો. જેમાં ઓછામાં ઓછા સાત લોકોને ગોળી વાગતાં હોસ્પિટલમાં દાખલ કરવામાં આવ્યા હતા. પોલીસે જણાવ્યું હતું કે સાતમાંથી કોઈને પણ જીવલેણ ઈજાઓ નથી. નોર્થ-ઈસ્ટ સિટી પોલીસે એક નિવેદનમાં જણાવ્યું કે, ગોળીબારમાં વપરાયેલી રિવોલ્વર મળી આવી છે અને ધરપકડ પણ કરવામાં આવી છે. બોસ્ટન પોલીસની અગાઉની એડવાઈઝરીએ ચેતવણી આપી હતી કે ગઈકાલે વાર્ષિક કેરેબિયન કાર્નિવલ સાથે સંકળાયેલી બે પરેડને કારણે ટ્રાફિકને અસર થશે. એક પરેડ સવારે 6:30 વાગ્યે અને બીજી એક કલાક પછી શરૂ થશે. પોલીસે જણાવ્યું કે તેમને સવારે 7:44 વાગ્યે ફાયરિંગનો પહેલો ફોન આવ્યો હતો. આ ઘટના વિશેની એક અનવેરિફાઈડ સોશ્યલ મીડિયા પોસ્ટમાં લોકોને રસ્તા પરથી ભાગતા દેખાડવામાં આવ્યા હતા, જેમાંથી કેટલાક જમીન પર પડેલા હતા.