21 માર્ચની રાત્રે પાકિસ્તાનમાં આવેલા જોરદાર ભૂકંપ છતાં એક ન્યૂઝ ચેનલનો એન્કર લાઈવ ન્યૂઝ વાંચતો રહ્યો. આનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વાયરલ ક્લિપ પાકિસ્તાનના પત્રકાર ઈફ્તિખાર ફિરદૌસે પોતાના ટ્વિટર એકાઉન્ટ પર શેર કરી છે. આ ક્લિપ પેશાવરની પશ્તો ભાષાની સ્થાનિક ટીવી ચેનલ મહશ્રિક ટીવીની છે.

આ ક્લિપમાં જોઈ શકાય છે કે ભૂકંપના જોરદાર આંચકાને કારણે આખો ન્યૂઝ સ્ટુડિયો ધ્રૂજી રહ્યો છે, પરંતુ ન્યૂઝ એન્કર તેની પરવા કર્યા વિના દર્શકોને લાઈવ ભૂકંપ વિશે માહિતી આપવાનું ચાલુ રાખે છે. કેમેરાએ એન્કરની આસપાસ ફરતી વસ્તુઓ રેકોર્ડ કરી હતી અને તે લાઈવ ટીવી પર જોવા મળી હતી.

A local Pashto TV channel Mahshriq TV during the earthquake. Brave of the anchor to keep his calm. But shows the impact of the earthquake. #Peshawar #Pakistan pic.twitter.com/7h3FOxBvtF

— Iftikhar Firdous (@IftikharFirdous) March 21, 2023

39 સેકન્ડના આ વીડિયોમાં એક ન્યૂઝ એન્કર ન્યૂઝ વાંચી રહી છે, ત્યારે જ જોરદાર આંચકા અનુભવાય છે. એન્કરની પાછળનો આખો ન્યૂઝરૂમ જોરદાર આંચકાથી ધ્રૂજી રહ્યો છે. આમાં સૌથી મહત્વની વાત એ છે કે આટલા જોરદાર ધ્રુજારી છતાં એન્કર કોઈપણ ગભરાટ વગર અને પોતાના જીવની પરવા કર્યા વિના સમાચાર લાઈવ વાંચવાનું ચાલુ રાખે છે. ન્યૂઝરૂમમાં હાજર બાકીના લોકો પોતાનો જીવ બચાવીને ભાગવા લાગે છે. ભૂકંપ બાદ આ વીડિયો સોશિયલ મીડિયા પર ઝડપથી વાયરલ થવા લાગ્યો હતો. લોકો એન્કરની બહાદુરી અને સંયમના વખાણ કરી રહ્યા છે.