અરવલ્લી : ખેડૂત પુત્ર હિરેન ચૌધરીને બૉલીવુડમાં આસીસ્ટન્ટ સિનેમેટોગ્રાફર બની અમિતાભ સાથે કામ કરવાનું સૌભાગ્ય

અરવલ્લીના ખેડૂત પુત્રનું ટેલેન્ટ ઉજાગર કરતો અને ગૌરવ અપાવનાર કિસ્સો સામે આવતા જિલ્લામાં ખુશીની લહેર પ્રસરી ગઇ છે. મોડાસા તાલુકામાં દઘાલીયા નજીક ઉમેદપુર ગામના ખેડૂત પુત્ર હિરેન ચૌધરીની કહાની કઈક આવી છે, કહેવાય છે ને કે " મન હોય તો માળવે જવાય". આ કહેવતને સાર્થક કરી છે, હિરેન ચૌધરી બૉલીવુડ અને હોલિવૂડની ફિલ્મોમાં કામ કરી રહ્યો છે. ફિલ્મનું નામ આવે એટલે આપણને ફક્ત હીરો કે હિરોઈન યાદ આવે, પરંતુ ફિલ્મના દેખાવ પાછળ બહુ મોટું યોગદાન હોય છે. ડિરેક્ટર અને ડિરેક્ટર ઓફ ફોટોગ્રાફી એટલે કે સિનેમેટોગ્રાફરનુ અને બીજા ઘણા ટેક્નિશિયન લોકોનું, મોડાસાના ઉમેદપુર ગામના નાના ખેડૂત પરિવારમાંથી આવતો હિરેન બૉલીવુડમાં આસીસ્ટન્ટ સિનેમટોગ્રાફેર તરીકે કામ કરી રહ્યો છે.

આ ઉપરાંત હોલિવૂડની ફિલ્મોમાં વાયરલેસ લાઇટિંગ ઓપરેટરનું કામ પણ કરે છે. અરવલ્લી નહિ પરંતુ ગુજરાત માંથી પહેલો યુવાન હશે કે બોલીવુડ અને હોલીવુડની જાણીતી હસ્તીઓ સાથે કામ કરે છે. ગુજરાત વિદ્યાપીઠમાં પોસ્ટ ગ્રેજ્યુએટ ડિપ્લોમા ઇન ઑડીયો વિઝ્યુઅલનો અભ્યાસ કરી અરવલ્લીનો ખેડૂત પુત્ર હિરેન પોહચ્યો. સ્વપનનગરી મુંબઈમાં, જ્યાં કપરાં ચઢાણ હતા. પરંતુ હિરેન માટે તે બહુ મુશ્કેલ ન હતા.

મુંબઈ પહોંચ્યા બાદ હિરેન ફિલ્મજગતમાં ખૂબજ જાણીતા ફિલ્મ સ્કોલર, હિસ્ટોરીયન ,ક્રિટિક , ક્યુરેટર અને રાઈટર અમૃત ગંગરને મળ્યો, જે હિરેનને વિદ્યાપીઠના અભ્યાસ દરમીયાન એક સિનેમાના વર્કશોપમાં મળ્યા હતા. શરૂઆતમાં હિરેનએ મુંબઈમાં વિડિઓ એડિટરની જોબ કરી અને ત્યારબાદ અમૃત સગરનાજ રેફરન્સ થી બૉલીવુડ અને હોલિવુડના ઈન્ટરનેશનલ લેવલે જાણીતા લાઇટિંગ ડિઝાઇનર મુલચંદ ડેઢિયા સાથે તેની મુલાકાત થઇ અને તેમને મળ્યા બાદ હિરેનની જર્ની ચાલુ થઇ. જેમાંતે સૌ પ્રથમ હોલિવુડ ફિલ્મ "કુંગ ફુ યોગા" માં એક લાઇટિંગ ઇન્ટર્ન તરીકે જોડાયો. અને શરુઆત થઈ એડવાન્સ હોલિવુડ સ્ટાઈલ લાઇટિંગના પાઠ શીખવાની હિરેનએ 'કુંગ ફુ યોગા'માં વિશ્વ વિખ્યાત અભિનેતા જેકી ચેનને નજીક થી જોવાની અને જાણવાની તક મળી. ત્યારબાદ 1 વર્ષ પછી માતા પિતાના કહેવાથી અભ્યાસ કરેલા સોફ્ટવેર એન્જિનિરીંગના અભ્યાસના બેકગ્રાઉન્ડથી એક સિસ્ટમ બનાવી જેમાં આખા ફિલ્મમ સેટનું લાઈટિંગ હિરેન એક આઇપેડ માંથી મેનેજ કરી શકે અને એ પણ વાયરલેસ. જેનો ઉપયોગ હિરેનએ ત્યારબાદની ફિલ્મો 'વિક્ટોરિયા એન્ડ અબ્દુલ' અને 'હોટેલ મુંબઇ' તથા તાજેતરમાં ગયા વર્ષે અમદાવાદમાં શૂટ થયેલી હોલિવુડની બહુ મોટી ફિલ્મ જેમાં માર્વેલના સુપરહીરો "ગોડ ઓફ થન્ડર" ક્રિસ હેમ્સવર્થ લીડ રોલમાં છે એવી ફિલ્મ ઢાકામાં કર્યો. જેમાં હિરેનએ વાયરલેસ લાઇટિંગ ઓપરેટર તરીકે કામ કર્યું. જે ફિલ્મના સિનેમેટોગ્રાફેર ન્યુટન થોમસને ખૂબ જ પસંદ પડ્યું હતું. લાઇટિંગએ સિનેમેટોગ્રાફી માટેનો બેઝ કહેવાય છે.હિરેન એ નવાઝુદ્દીન સિદ્દીકી દ્વારા અભિનીત ફિલ્મ મંન્ટોમાં ઇન્ટર્ન આસીસ્ટન્ટ સિનેમેટોગ્રાફેરમાં કામ કર્યું છે. આમ 3 વર્ષ દરમિયાન લાઇટિંગમાં નીકાળ્યાં જેમાં મેં હોલિવૂડની ચાર ફિલ્મ અને બૉલીવુડની એક તથા ઘણી બધી એડ.ફિલ્મમાં કામ કર્યા બાદ હાલ હિરેન તેના ડ્રિમ વર્ક એટલે કે સિનેમટોગ્રાફી માટે બોલીવૂડના ખૂબ જ જાણીતા અને માસ્ટર સિનેમટોગ્રાફેર અનિલ મહેતાની સાથે આસિસ્ટન્ટમાં જોડાયો છે. અને એમની સાથે હાલ કામ કરી રહ્યો છે...

આસિસ્ટન્ટ સિનેમેટોગ્રાફર તરીકે હિરેનના પહેલા જ પ્રોજેકટ હાલમાં આવેલી ફ્લિપકાર્ટની એડ. ફિલ્મો કરેલી જેમાં તેણે બૉલીવુડના દિગ્ગજ અભિનેતા અમિતાભ બચ્ચન, અભિનેત્રી દીપિકા પાદુકોણ, આલિયા ભટ્ટ તેમજ સાઉથ સુપર સ્ટાર મહેશ બાબુ, ક્રિકેટર મહેન્દ્રસિંહ ધોની અને વિરાટ કોહલીની સાથે કામ કરવા મળ્યું. જે બહુ મોટી વાત છે. હિરેન ચૌધરીએ જણાવ્યું કે મારી હજુ તો શરૂઆત જ થઈ છે..હું એક સારો સિનેમટોગ્રાફર અને ફિલ્મમેકર બનાવા માંગુ છું... !!!..