જુવેનાઈલ હોમ ફોર બોયઝમાંથી ભાગી ગયેલ બે બાળકો પૈકી એક બાળક મળી આવ્યો

તાજેતરમાં તારીખ ૧૩-૦૪-૧૯ ના રોજ જુવેનાઈલ હોમ ફોર બોયઝ કુકરવાડા ખાતેથી મળસ્કાના સમયે બે બાળકો ગુમ થયા હતા. સંસ્થાના કર્તા-હર્તાઓએ બાળકોને શોધવા ભારે જેહમત કરી હતી પરંતુ બાળકોનો કોઈ પત્તો ન મળતા છેવટે ભરૂચ ગ્રામ્ય પોલીસ ખાતે ફરિયાદ નોંધાઈ હતી. ત્યારબાદ દિવસો વીતી ગયા પછી ગુમ થયેલ બાળકો પૈકી એક બાળક રેલવે પોલીસ વડોદરાને મળી આવ્યો હતો.

રેલવે પોલીસે આ બાળકને દીપક ફાઉન્ડેશન વડોદરાને સોંપ્યો હતો. બાળકની તપાસ કરતાં અને ઓળખ થતા છેવટે આ બાળકને જુવેનાઈલ હોમ ફોર બોયઝને સોંપવામાં આવ્યો હતો. હજી એક બાળક ગુમ છે. અત્રે નોંધવું રહ્નાં કે અગાઉ પણ જુવેનાઈલ હોમ ફોર બોયઝમાંથી ત્રણ બાળકો ગુમ થયા હતા જેમાં આ બે બાળકોનો પણ સમાવેશ થતો હતો. જાકે જે તે વખતે ત્રણે બાળકો મળી આવ્યા હતા. પરંતુ આ વખતે હજી એક બાળક ગુમ છે.