નીતિ આયોગ દ્વારા મહત્વની 2 યોજનાની જાહેરાત

સરકાર દ્વારા નોટબંધી બાદ ડિજીટલ પેમેન્ટને પ્રોત્સાહન આપવા માટે ઘણી યોજનાઓ બહાર પાડવામાં આવી છે જેમાં નીતિ આયોગ દ્વારા ડિજીટલ પેમેન્ટને પ્રોત્સાહન આપવા માટે ગુરુવારના રોજ ગ્રાહકો અને વેપારીઓ માટે 2 યોજનાઓ શરૂ કરવામાં આવી હતી.

નીતિ આયોગના CEO અમિતાભ કાંતે જણાવ્યુ હતુ કે લકી ગ્રાહક યોજના અંતર્ગત ગ્રાહકોને દૈનિક તેમજ સાપ્તાહિક ઇનામ આપવામાં આવશે. આ યોજનામાં રૂ 50 થી લઈને રૂ 3000 સુધીની ખરીદી પર રૂ 1 લાખની મહત્તમ મર્યાદામાં ઇનામ આપવામાં આવશે.

બીજી ડિજીટલ ધન યોજના અંતર્ગત વેપારીઓને મહત્તમ રૂ 50000 ની મર્યાદામાં ઇનામ આપવામાં આવશે.

આ યોજનાનો સમયગાળો 25 ડિસેમ્બરથી માંડીને 14 એપ્રિલ 2017 સુધીનો રહેશે.

આ સાથે કાંતે વધુમાં જણાવ્યુ હતુ કે 14 એપ્રિલના રોજ એક મેગા એવોર્ડ ઇનામ આપવામાં આવશે જેમાં રૂ 1 કરોડ, રૂ 50 લાખ અને રૂ 25 લાખ ગ્રાહકો માટે અને રૂ 50 લાખ અને રૂ 25 લાખ વેપારીઓને આપવામાં આવશે.