રોટરી ક્લબ ભરૂચ નર્મદા નગરી દ્વારા ધમાલ ગલી કાર્યક્રમ યોજાયો

રોટરી ક્લબ ભરૂચ નર્મદા નગરી દ્વારા તારીખ 28મી જાન્યુઆરી રવિવારનાં રોજ સવારે લિંક રોડ પાસે ધમાલ ગલી કાર્યક્રમનું આયોજન કરવામાં આવ્યુ હતુ.

આ કાર્યક્રમમાં બાળકો થી લઈને વડીલોએ ઉત્સાહભેર ભાગ લીધો હતો, અને સતોડિયુ, ઉભીખો, કોથળા દોડ, લખોટી, ભમરડો, દોરડા ખેંચ, ટાયર રેસ, માટલા ફોડ, સંગીત ખુરશી, ડ્રોઈંગ , લીંબુ ચમચી, દોરડા કુદ, ધમાલ ધકો જેવી અનેક મસ્તીભરી રમતોની સ્પર્ધકોએ મોજ માણી હતી.

આ ઉપરાંત ડી જે તેમજ જુમ્મા ડાન્સ, સ્ટ્રીસ્ટ પ્લે, ફ્લેશ મુવ જેવા કાર્યક્રમોમાં પણ શહેરીજનોએ ભાગ લઈને અનેરો ઉત્સાહ દર્શાવ્યો હતો.

આ પ્રસંગે ભરૂચનાં વિવિધ ક્લબોનાં સભ્યો, સામાજિક સાંસ્કૃતિક તેમજ રમતગમતો સાથે જોડાયેલી સંસ્થાઓ, શાળા કોલેજનાં વિદ્યાર્થીઓ તેમજ શહેરીજનો મોટી સંખ્યામાં ઉપસ્થિત રહ્યા હતા.