સલમાન ખાન અને બોબી દેઓલ એક સાથે રૃપેરી પડદે દેખાશે

સલમાન ખાનની આગામી ફિલ્મ 'રેસ થ્રી' ઘણી ચર્ચામાં છે. સલમાન પહેલી વખત આ સિકવલનો હિસ્સો હોવાથી ઉત્સાહમાં છે અને હવે ફિલ્મમાં એના સાથી કલાકારોને લઇને આ ફિલ્મ ચર્ચામાં છે.

આ ફિલ્મ માટે અમિતાભ બચ્ચન, ઇમરાન હાશ્મી અને સિદ્ધાર્થ મલ્હોત્રાના નામ ચર્ચાયા બાદ હવે બોબી દેઓલનું નામ ફાઇનલ કરવામાં આવ્યું છે. ફિલ્મ નિર્માતા રમેશ તોરાનીએ આ પહેલા બોબી સાથે સોલ્જર અને નકાબ જેવી ફિલ્મો બનાવી છે. અને હવે ફરી રેસ થ્રીમાં સાથે જોવા મળશે. આ બાબતની જાણકારી ખુદ નિર્માતાએ ટ્વીટ કરીને આપી હતી।

રમેશ તૌરાનીએ તાજેતરમાં આપેલા એક ઇન્ટરવ્યુમાં કહ્યું કે બોબી દેઓલ વ્યવસાવિક અભિગમ ધરાવતો વ્યક્તી છે. આ ફિલ્મમાં એ એક અનોખી ભૂમિકામાં જોવા મળશે જે આ પહેલા ક્યારેય જોવા મળી નથી. આ ફિલ્મનું શુટિંગ આવતા મહિને શરૃ કરવામાં આવશે, જે આવતી ઇદે રિલિઝ કરવામાં આવશે.