એથ્લીટ ગુલવીર સિંહે એશિયન ગેમ્સ 2026માં પુરુષોની 10,000 મીટર દોડની ફાઈલનમાં 28:29.38નો સમયમાં રેસ પૂરી કરી સિલ્વર મેડલ જીત્યો હતો. 28 વર્ષીય ગુલવીર ઉત્તર પ્રદેશના અતરૌલી ગામનો રહેવાસી છે. તેણે ગત સિઝનમાં આ જ સ્પર્ધામાં બ્રોન્ઝ મેડલ જીત્યો હતો. 1 જૂન, 1988 ના રોજ ખેડૂત પરિવારમાં જન્મેલા ગુલવીર સ્પોર્ટ્સ ક્વોટા દ્વારા ભારતીય સેનામાં જોડાયા હતા. તેમને ગ્રેનેડિયર્સ રેજિમેન્ટમાં પોસ્ટ કરવામાં આવ્યા હતા અને અંતે તેઓ જુનિયર કમિશન્ડ ઓફિસરના હોદ્દા પર પહોંચ્યા હતા. તેમણે આર્મી સ્પોર્ટ્સ ઇન્સ્ટિટ્યૂટ ખાતે સ્પોર્ટ્સ ઓથોરિટી ઓફ ઇન્ડિયાના રાષ્ટ્રીય શિબિરમાં હાજરી આપી હતી. ત્યાંથી જ તેમણે પ્રોફેશનલ રનિંગ વિશે શીખવાનું અને તેની ઝીણવટથી સમજવાનું શરૂ કર્યું હતું.
ગુલવીર સિંહે પુરુષોની 10,000 મીટર દોડમાં 28:29.38 ના સમય સાથે બીજા સ્થાને રહ્યા. બહેરીનના બિરહાનુ બાલેવે આ સ્પર્ધામાં 28:27.51નો સમયમાં રેસ પૂરી કરી ગોલ્ડ મેડલ જીત્યો હતો. આલ્બર્ટ કિપ્ટુએ 28:34.38 ના સમય સાથે બ્રોન્ઝ મેડલ જીત્યો અને ત્રીજા સ્થાને રહ્યો હતો.
આ વર્ષની શરૂઆતમાં યોજાયેલી ગ્લાસગો કોમનવેલ્થ ગેમ્સમાં ગુલવીરે 10,000 મીટર ઇવેન્ટમાં સિલ્વર મેડલ અને 5,000 મીટર ઇવેન્ટમાં બ્રોન્ઝ મેડલ જીત્યો. તેણે છેલ્લા બે વર્ષમાં પોતાના પ્રભાવશાળી પ્રદર્શનથી આંતરરાષ્ટ્રીય એથ્લેટિક્સમાં પોતાને સ્થાપિત કર્યો છે. તેણે એશિયન એથ્લેટિક્સ ચેમ્પિયનશિપ 2025 માં 5,000 મીટર અને 10,000 મીટર ઇવેન્ટમાં ગોલ્ડ મેડલ જીત્યા હતા.
