ભરૂચ-અંકલેશ્વરમાં જનનાયક બિરસા મુંડાની 150મી જન્મજયંતિની ઉજવણી

રાષ્ટ્ર અને ધર્મ પ્રત્યેની અવિસ્મરણીય લડાઈમાં માત્ર ૨૪ વર્ષની અલ્પાયુમાં પોતાના પ્રાણની આહુતિ આપી શહાદત વ્હોરી લેનાર જન નાયક ભગવાન બિરસા મુંડાની જન્મ જયંતીની ઠેર ઠેર ઉજવણી કરવામાં આવી રહી છે ત્યારે અંકલેશ્વરના ભરૂચીનાકા સ્થિત બિરસા મુંડાની પ્રતિમાને પુષ્પાંજલિ અર્પણ કરવામાં આવી હતી.આ કાર્યક્રમમાં વિશ્વ હિન્દુ પરિષદ તેમજ બજરંગ દળના કાર્યકરો તેમજ આગેવાનો જોડાયા હતા.

આ તરફ આદિવાસી સમાજના જન નાયક એવા ક્રાંતિકારી બિરસા મુંડાની આજરોજ ૧૫૦મી જન્મ જયંતીની ઉજવણીના ભાગરૂપે ભરૂચમાં અખંડ આદિવાસી યુવા ચેરીટેબલ ટ્રસ્ટ દ્વારા પોતાના કાર્યાલય ખાતે બિરસા મુંડાની તસ્વીરને પુષ્પાંજલિ અર્પણ કરવામાં આવી હતી.