ભારતીય રેલવેના ઇતિહાસમાં 17 July નો દિવસ સુવર્ણ અક્ષરોથી અંકિત થવા જઈ રહ્યો છે. વડાપ્રધાન નરેન્દ્ર મોદી આ દિવસે દેશની સૌપ્રથમ હાઇડ્રોજન ઇંધણ (Hydrogen Fuel) થી ચાલતી ટ્રેનને લીલી ઝંડી બતાવી પ્રસ્થાન કરાવશે. આ ઐતિહાસિક ક્ષણ પહેલાં વડાપ્રધાને પોતાના સત્તાવાર ઇન્સ્ટાગ્રામ (Instagram) એકાઉન્ટ પર આ અત્યાધુનિક ટ્રેનની ખૂબ જ આકર્ષક તસવીરો શેર કરી છે. તેમણે ગર્વ સાથે લખ્યું, “ભારતની પ્રથમ હાઇડ્રોજન સંચાલિત ટ્રેન હરિયાણાથી દોડવા માટે તૈયાર છે!”. દેશને પ્રદૂષણ મુક્ત અને પર્યાવરણને અનુકૂળ પરિવહન વ્યવસ્થા પૂરી પાડવાની દિશામાં આ પગલું ભારતીય રેલવેની અત્યાર સુધીની સૌથી મોટી વૈજ્ઞાનિક અને ઔદ્યોગિક સફળતાઓમાંથી એક છે.
વડાપ્રધાન નરેન્દ્ર મોદીએ બુધવારે સોશિયલ મીડિયા પ્લેટફોર્મ ઇન્સ્ટાગ્રામ પર ભારતની પ્રથમ હાઇડ્રોજન ટ્રેનની પ્રથમ ઝલક દર્શાવતી તસવીરો પોસ્ટ કરી હતી. આ તસવીરો દ્વારા ભારતીય રેલવેની બદલાતી તસવીર અને દેશના ‘નેટ-ઝીરો’ (Net-Zero) પ્રદૂષણના લક્ષ્ય તરફ આગળ વધી રહેલા મજબૂત કદમ સ્પષ્ટપણે જોઈ શકાય છે. આ ટ્રેન સંપૂર્ણપણે ગ્રીન ટેકનોલોજી પર કામ કરશે અને તેના સંચાલનથી હવામાં કોઈ ઝેરી વાયુઓનું ઉત્સર્જન થશે નહીં.હરિયાણાથી ઐતિહાસિક શરૂઆત: આ ટ્રેન સૌપ્રથમ જીંદ-સોનીપત રેલવે સેક્શન પર દોડશે. 17 July ના રોજ પીએમ મોદી પોતે તેને લીલી ઝંડી બતાવી રવાના કરશે.
10 કોચ અને બ્રોડ ગેજ ક્ષમતા: આ ટ્રેનમાં કુલ 10 કોચ હશે અને તે બ્રોડ ગેજ ટ્રેક પર દોડનારી વિશ્વની સૌથી લાંબી હાઇડ્રોજન ટ્રેન બનશે.
દમદાર 2400 કિલોવોટ પાવર: ટ્રેનમાં 2400 kW ની ક્ષમતા ધરાવતું શક્તિશાળી એન્જિન છે. ટ્રેનમાં બે ડ્રાઇવિંગ પાવર કાર (DPC) છે, જેમાંથી પ્રત્યેકની ક્ષમતા 1200 kW છે.
જીંદમાં ખાસ રિફ્યુઅલિંગ યુનિટ: કોમ્પ્રેસ્ડ હાઇડ્રોજન ગેસને સુરક્ષિત રાખવા અને ટ્રેનમાં ઇંધણ ભરવા માટે હરિયાણાના જીંદ ખાતે ખાસ સેફ રિફ્યુઅલિંગ અને સ્ટોરેજ ફેસિલિટી તૈયાર કરવામાં આવી છે.
અભેદ્ય સુરક્ષા સિસ્ટમ: અકસ્માત કે આગથી બચવા માટે આ હાઇ-ટેક ટ્રેનને અત્યાધુનિક ‘હાઇડ્રોજન લીક ડિટેક્ટર’ (Hydrogen Leak Detector) અને ‘ફ્લેમ ડિટેક્ટર’ (Flame Detector) થી સજ્જ કરવામાં આવી છે, જે ચોવીસ કલાક સિસ્ટમનું મોનિટરિંગ કરશે.
