RCB vs CSK: RCBની પ્લેઓફમાં પહોંચવાની આશા પર ફરી વળશે વરસાદી પાણી?, વાંચો કેવું હશે હવામાન..

IPL 2024 ની 68મી મેચ RCB vs CSK વચ્ચે રમાવાની છે. ચાહકો આ મેચની આતુરતાથી રાહ જોઈ રહ્યા છે, કારણ કે બંને ટીમો માટે પ્લેઓફની ટિકિટ મેળવવા માટે આ મેચ ખૂબ જ મહત્વપૂર્ણ છે. આ મેચ બેંગલુરુના એમ ચિન્નાસ્વામી સ્ટેડિયમમાં રમાશે. આ મેચ પહેલા ચિન્નાસ્વામીના હવામાનના કારણે ફેન્સ અને આરસીબીનું ટેન્શન વધી ગયું છે.

Advertisment

ખરેખર, RCB vs CSK મેચમાં વરસાદ મેચની મજા બગાડી શકે છે. હવામાન વિભાગના જણાવ્યા અનુસાર 18 મેના રોજ ચિન્નાસ્વામીમાં 72 ટકા વરસાદની સંભાવના છે. આવી સ્થિતિમાં જો વરસાદના કારણે મેચ રદ થાય છે, તો બંને ટીમોને એક-એક પોઈન્ટ મળશે, જેના કારણે RCBના 13 પોઈન્ટ અને CSKના 15 પોઈન્ટ હશે.

તે જ સમયે, IPL 2024 ની 64મી મેચ, દિલ્હી અથવા લખનઉ જે પણ ટીમ જીતશે, તેના 14 પોઈન્ટ હશે. આ પછી RCBની ટીમ પ્લેઓફમાંથી બહાર થઈ જશે. હાલમાં, રોયલ ચેલેન્જર્સ બેંગ્લોરનો નેટ રન રેટ +0.387 છે, જ્યારે CSKનો નેટ રન રેટ +0.528 છે. જો રોયલ ચેલેન્જર્સ નાના માર્જિનથી જીતે છે, તો તે તેમના માટે ફાયદાકારક રહેશે નહીં કારણ કે તે તેમને સનરાઈઝર્સ હૈદરાબાદ અને સુપર કિંગ્સથી નીચે રાખશે, જેમની પાસે વધુ નેટ રન રેટ છે.