WPL 2023: મુંબઈ ઈન્ડિયન્સે ફટકાર્યો જીતનો ચોગ્ગો, હરમનપ્રીત કૌરે રમી તોફાની ઈનિંગ્સ

વિમેન્સ પ્રીમિયર લીગમાં મુંબઈ ઈન્ડિયન્સે જીતનો ચોગ્ગો ફટકાર્યો છે. હરમનપ્રીત કૌરની બ્રિગેડે યુપી વોરિયર્સને 8 વિકેટથી હરાવ્યું હતું. આ મેચ મુંબઈના બ્રેબોર્ન સ્ટેડિયમમાં રમાઈ હતી. આ મેચમાં યુપી વોરિયર્સે ટોસ જીતીને પ્રથમ બેટિંગ કરવાનો નિર્ણય લીધો હતો. યુપી તરફથી કેપ્ટન એલિસા હીલીએ 58 રનની શાનદાર ઇનિંગ રમી હતી.

યુપી તરફથી હિલીએ સૌથી વધુ સ્કોર બનાવ્યો હતો. આ સાથે જ હિલા મેકગ્રાએ પણ અડધી સદીની ઇનિંગ રમી હતી. બોલિંગની વાત કરીએ તો મુંબઈ તરફથી સાયકા ઈશાકે 3 વિકેટ ઝડપી હતી. યુપીની ટીમે 20 ઓવર બાદ 6 વિકેટ ગુમાવીને 159 રન બનાવ્યા હતા. તેના જવાબમાં, સુકાની હરમનપ્રીત કૌરે મુંબઈ ઇન્ડિયન્સના બેટ્સમેનો તરફ 36 બોલમાં 58 રનની તોફાની ઇનિંગ રમી હતી. આ સિવાય નતાલી સિવર-બ્રન્ટે પણ 45 રન બનાવ્યા હતા. જણાવી દઈએ કે બંને વચ્ચે 100 રનની ભાગીદારી પણ થઈ હતી. મુંબઈએ 17.3 ઓવરમાં 2 વિકેટ ગુમાવીને મેચ જીતી લીધી હતી.