• એરપોર્ટ પાસેની તંદુર હોટલમાંથી યુવતીની મળી લાશ

• ગળે ટુંપો આપીને હત્યા કરવામાં આવી હોવાની આશંકા

• હોટલમાં ચિંતન વાઘેલા પણ યુવતી સાથે હતો

• પોલીસે યુવતીના મિત્ર ચિંતનની કરી ધરપકડ

• યુવતીની હત્યાનો ભેદ ઉકેલવાનો પોલીસે શરૂ કર્યો પ્રયાસ  

અમદાવાદ એરપોર્ટ પાસેની તંદૂર હોટલમાંથી 22 વર્ષીય નસરીનબાનુની લાશ મળી હોવાના કેસને ક્રાઈમ બ્રાન્ચે ઉકેલી કાઢ્યો છે.ચિંતન વાઘેલા નામનો યુવક યુવતી સાથે રૂમમાં ગયો હતો અને તેને જ ગળે ટૂંપો દઈ યુવતીની હત્યા કરી હોવાની શક્યતા વ્યક્ત કરાઈ રહી છે.તે યુવતીનો મિત્ર હોવાની પણ વાત સામે આવી છે.હત્યા બાદ તે આણંદ તરફ ભાગ્યો હોવાનું જાણવા મળ્યું છે. હાલ તો આરોપી યુવકની પોલીસે ધરપકડ કરી વધુ તપાસ શરૂ કરી છે.

અમદાવાદ એરપોર્ટ પાસેની તંદૂર હોટલમાંથી 22 વર્ષીય નસરીનબાનુની લાશ મળી આવી હતી,મૂળ ઉત્તરપ્રદેશની અને હાલ રામોલમાં રહેતી 22 વર્ષીય નસરીનબાનુ ફિરોઝ અખ્તર અમદાવાદ એરપોર્ટ પર કામ કરતી હતી.બનાવ અંગેની જાણ એરપોર્ટ પોલીસને કરવામાં આવતા પોલીસ કાફલો દોડી આવ્યો હતો,અને તપાસના ચક્રો ગતિમાન કર્યા હતા.

પોલીસની પ્રાથમિક તપાસમાં નસરીનબાનુની ગળે ટૂંપો દઈને હત્યા કરવામાં આવી હોવાની વિગતો બહાર આવી હતી,અને પ્રાથમિક તપાસમાં ચિંતન વાઘેલા નામનો યુવક તેની સાથે રૂમમાં ગયો હતો.જે બાદ યુવક નીકળી ગયો હતો.યુવકે ગળે ટૂંપો આપી હત્યા કરી હોવાની શક્યતા વ્યક્ત કરાઈ રહી છે.એરપોર્ટમાં કામ કરતી યુવતીની તંદૂર હોટલના રૂમમાંથી શંકાસ્પદ હાલતમાં લાશ મળતા પોલીસ તંત્ર દોડતું થઇ ગયું હતું.

આ ઘટનામાં આણંદ તરફ ફરાર થયેલા ચિંતન વાઘેલાની પોલીસે ધરપકડ કરીને હત્યાનો ભેદ ઉકેલવાના પ્રયાસો શરૂ કર્યા છે.