અમદાવાદ : સાવકી માતાએ જ દીકરાની કરી ઠંડા કલેજે હત્યા, જુઓ કેવી રીતે ભેદ ઉકેલાયો..!

અમદાવાદમાં સાવકી માતાએ પોતાના દીકરાઓની ઠંડા કલેજે હત્યા કરી હોવાનો કિસ્સો પ્રકાશમાં આવ્યો છે. જેમાં થોડા વર્ષો અગાઉ 45 વર્ષીય માતાએ પોતાના 11 વર્ષના સગા દીકરાની નાસિકમાં હત્યા કરી હતી. ત્યારબાદ કણભા વિસ્તારમાં 21 વર્ષના સાવકા દીકરાની હત્યા કરી હોવાનો ખુલાસો થયો છે.

મળતી માહિતી અનુસાર, કણભા પોલીસ સ્ટેશન વિસ્તારમાં આવેલ કુંજાડ ગામમાં રહેનો હાર્દિક પટેલ નામનો 21 વર્ષીય યુવક ગુમ થયો હોવાની પોલીસને જાણ કરવામાં આવી હતી. જોકે, પોલીસે તપાસ શરૂ કરતાં તેની સાવકી માતા શંકાના દાયરામાં તેની ઉલટ તપાસ કરતાં જાણવા મળ્યું હતું કે, આરોપી મહિલાએ લોકડાઉન દરમ્યાન દીકરાના નામે સગા-સંબંધીઓ પાસેથી 25થી 30 લાખ રૂપિયા મેળવી નાસીક મિત્રને મોકલ્યા હતા, ત્યારે તે રકમને લઈ હાર્દીક અને તેની સાવકી માતા વચ્ચે બોલાચાલી થતી હતી. જે અંગે હાર્દિકે ઠપકો આપતા તેની સાવકી માતાએ હત્યાનું કાવતરું રચ્યું હતું. માતા ગૌરી પટેલે જ અન્ય 3 ઈસમો સાથે મળી હાર્દિકની હત્યા કરી મૃતદેહનો નિકાલ કર્યો હતો. જે મૃતદેહ નદી પાસે કોથળામાંથી વિકૃત હાલતમાં મળી આવ્યો હતો. મૃતદેહ મળતા સાવકી માતાની પોલીસે વધુ પુછપરછ કરતા હત્યાના ગુન્હામાં નાસિકના 3 યુવકો દિનેશ, અનિલ અને સંજયના નામ સામે આવ્યા છે, ત્યારે હાલ તો કણભા પોલીસે આરોપી મહિલાની ધરપકડ કરી ફરાર અન્ય 3 આરોપીઓની શોધખોળ હાથ ધરી છે.