અમદાવાદ : પરિણીતા સાથે ફ્લર્ટ કરતાં આરોપીની ધરપકડ, મોકલતો હતો અશ્લીલ વીડિયો...

અમદાવાદ સાયબર ક્રાઈમ બ્રાન્ચમાં એક પરિણીતાએ ફરિયાદ નોંધાવી હતી. ફરિયાદમાં પરિણીતાને મોબાઈલ નંબર ઉપરથી પરેશાન કરવામાં આવી રહ્યા હતા. મહિલા પોતાનું ઘરકામ કરી પોતાના મોબાઈલ ઉપર સર્ફિંગ કરી રહ્યા હતા, ત્યારે મોબાઇલ નંબર પરથી વોટ્સએપ ક્રિએટ કરીને મહિલાના મોબાઈલ નંબર ઉપર અશ્લીલ વીડિયો અને ફોટા મોકલવામાં આવ્યા હતા.

જોકે, મહિલાના પતિ જ્યારે ઘરે ન હોય, ત્યારે તેમના મોબાઈલ નંબર ઉપર ગંદી કોમેન્ટ કરી કાલુપુર હોટલમાં મળવા માટે બોલાવતો હતો. મહિલા આરોપીનો મોબાઇલ નંબર બ્લેક લિસ્ટ કરી દેતાં આરોપીએ અન્ય નંબરથી કોલિંગ શરૂ કર્યું હતું, અને મહિલાના નંબર ઉપર નગ્ન વીડિયો અને મેસેજ કરીને હેરાન કરવાનું શરૂ કર્યું હતું. મહત્વની વાત છે કે, આરોપી ક્યારે મહિલા તો ક્યારે પુરુષ તો અમુક વાર નાના બાળકોનો અવાજ કાઢીને વાત કરતો હતો. આરોપીએ ફરિયાદના ડીપી ફોટો લઈને તેને એડિટ કરીને ગંદા ફોટો મૂકવાનું શરૂ કરી દીધા હતા. પોલીસ દ્વારા મહિલાની ફરિયાદ લઈને તપાસ શરૂ કરવામાં આવી અને આરોપીની ધરપકડ કરી લેવામા આવી છે. આરોપી શાહપુરનો રહેવાસી હોવાનું સામે આવ્યું છે. મળતી માહિતી પ્રમાણે, આરોપી અને ફરિયાદી એક જ સમાજના હોવાથી એકબીજાને સારી રીતે ઓળખતા હતા. આરોપીને કાલુપુર માંથી એક મોબાઇલ મળ્યો હતો. તેણે મોબાઇલમાંથી સીમ કાર્ડ કાઢીને મોબાઇલને કચરા પેટીમાં ફેંકી દીધો હતો. તે નંબર પરથી વોટ્સએપનો ઉપયોગ કરીને ફરિયાદીના નંબર ઉપર પોર્ન વીડિયો મોકલતો હોવાનું સામે આવ્યું છે. મળતી માહિતી પ્રમાણે, આરોપી ફરિયાદીને સમાજમાં બદનામ કરવા માટે પર્સનલ ફોટો સાથે બિભત્સ ફોટો અને સ્ટોરી મોકલતો હતો. આરોપીએ ફરિયાદી સાથે ફ્લર્ટ કરવાના હેતુથી આ ગુનાને કર્યા હોવાની કબૂલાત કરી છે. મહત્વની વાત એ છે કે, આરોપી માત્ર 10 સુધી અભ્યાસ કરેલ હોવાનું સામે આવ્યું છે.