જ્યોતિ અરોરાએ જીત્યો 'મિસિસ ઈન્ડિયા 2023'નો ખિતાબ, એસ્ટ્રોલોજરને માથે તાજ

અગિયાર વર્ષથી સુંદરતામાં વિવિધતાની ઉજવણી કરતી 'મિસિસ ઈન્ડિયા પેજન્ટ'એ ઘણી પ્રતિભાશાળી મહિલાઓને તેમના માથા પર તાજ પહેરાવ્યો છે. 'મિસિસ ઈન્ડિયા પેજન્ટ' એ ભારતીય પરિણીત મહિલાની સુંદરતા, પ્રતિભા, ગ્લેમર અને સંસ્કૃતિને પ્રદર્શિત કરવા માટેનું પ્લેટફોર્મ છે, જ્યાં ઘણી સ્ત્રીઓ લાખો મહિલાઓને તેમની પ્રતિભાથી પ્રેરિત કરે છે. આ વર્ષે ઈરોસ હોટેલ, દિલ્હી ખાતે ઈવેન્ટ યોજાઈ હતી, જ્યાં જ્યોતિ અરોરા 'મિસિસ ઈન્ડિયા'ની વિજેતા બની હતી.

'મિસિસ ઈન્ડિયા પેજન્ટ'ના નિર્દેશક દીપાલી ફડનીસે આ કાર્યક્રમમાં મહત્વની જાહેરાત કરી હતી. ડિરેક્ટર દીપાલીએ જણાવ્યું કે 'મિસિસ ઈન્ડિયા'ની વિજેતા જ્યોતિ અરોરા હવે ઈન્ટરનેશનલ લેવલ પર ભારતનું પ્રતિનિધિત્વ કરશે. તે ક્લાસિક પ્રતિનિધિ તરીકે 'મિસિસ એશિયા ઇન્ટરનેશનલ'માં ભારતનું પ્રતિનિધિત્વ કરતી જોવા મળશે.