નવસારી : વિજલપોરમાં ભાજપ પ્રદેશ અધ્યક્ષની આગેવાનીમાં યોજાઇ ભવ્ય બાઇક રેલી, જુઓ રેલીના આકાશી દ્રશ્યો
સુરત મહાનગરપાલિકાની ચૂંટણીમાં ભવ્ય સફળતા મેળવ્યા બાદ જિલ્લા પંચાયત, તાલુકા પંચાયત અને નગરપાલિકામાં ભાજપનો ભગવો લહેરાવવા માટે ભાજપ પ્રદેશ અધ્યક્ષ સી.આર.પાટીલની વિશેષ ઉપસ્થિતિમાં નવસારી જિલ્લાના વિજલપોર ખાતે ભવ્ય બાઇક રેલીનું આયોજન કરવામાં આવ્યું હતું.
સમગ્ર ગુજરાતમાં આજે સ્થાનિક સ્વરાજની ચૂંટણીના પ્રચારનો આજે અંતિમ દિવસ હોવાથી ભાજપ પ્રદેશ અધ્યક્ષ સી.આર.પાટીલની આગેવાનીમાં મતદારોને રીઝવવા માટે વિશાળ બાઇક રેલી યોજાઇ હતી. જેમાં શહેરની એગ્રીકલચર કોલેજથી શરૂ થયેલી રેલીનું શહેરના તમામ 13 વોર્ડમાં ફેરવી જમાલપોરના બી.આર. ફાર્મ ખાતે સમાપન કરાયું હતું, ત્યારે રેલી દરમ્યાન સી.આર.પાટીલ સાથે જિલ્લા પ્રમુખ અને જિલ્લાના 3 ધારાસભ્યોએ પણ જનમેદની સાથે લોકસંપર્ક કર્યો હતો. જોકે રેલીમાં એક સમયે કોવિડ ગાઈડલાઈનના પણ ધજાગરા ઊડ્યાં હોવાના દ્રશ્યો જોવા મળ્યા હતા.