સંયુક્ત રાષ્ટ્રની પૂર્વ રાજદૂત નિક્કી હેલી અમેરિકી રાષ્ટ્રપતિનાં ઈલેક્શનમાં રિપબ્લિકન પાર્ટી તરફથી લડી શકે છે. નિક્કી હેલી ભારતીય મૂળની લીડર છે. એવા અનુમાન લગાવવામાં આવી રહ્યાં છે કે તે ફેબ્રુઆરીમાં રિપબ્લિકન પાર્ટીથી રાષ્ટ્રપતિનાં ચૂંટણીની ઘોષણા કરી શકે છે. અમેરિકી રાષ્ટ્રપતિ પદ માટે 2024માં ચૂંટણી કરાવવામાં આવશે.
નિક્કી હેલી અમેરિકામાં સાઉથ કેરોલિનાની ગવર્નર રહી ચૂકી છે. રાષ્ટ્રપતિ પદની ચૂંટણી લડવા માટે નિક્કીની તૈયારીઓ વિષે સૂત્રોએ માહિતી આપતાં જણાવ્યું છે કે તે 15 ફેબ્રુઆરીનાં ચાર્લ્સટનમાં આ વિષે ઘોષણા કરીને ચૂંટણીની તૈયારીઓમાં લાગી જશે. ચાર્લ્સટન પોસ્ટ અને કૂરિયરની રિપોર્ટમાં આ વાત કહેવામાં આવી છે.