અંકલેશ્વર: રાજ્યપાલ આચાર્ય દેવવ્રતે ખેતરમાં શાકભાજી વીણી ગાય દોહી, પ્રાકૃતિક કૃષિ પરિસંવાદમાં લીધો ભાગ

• અંકલેશ્વરમાં કરવામાં આવ્યું આયોજન

• નવા કાંસીયા ગામે આયોજન

• પ્રાકૃતિક કૃષિ પરિસંવાદ યોજાયો

• પ્રગતિશીલ ખેડૂતના ખેતરની લીધી મુલાકાત

• ખેતરમાં શકભાજી વીણયુ

રાજ્યપાલ આચાર્ય દેવવ્રતજીએ નવા કાંસિયા ગામે શાળાના સામાન્ય ઓરડામાં રાત્રિ રોકાણ બાદ સવારે

યોગાભ્યાસ કર્યા હતા.સાથે જ તેઓએ ગામના પ્રગતિશીલ ખેડૂત  મહેશભાઈ પટેલના પ્રાકૃતિક ફાર્મની મુલાકાત લીધી હતી અને જાતે ગાય દોહી  ખેતરમાં શાકભાજી પણ વિણ્યુ હતું

પ્રાકૃતિક કૃષિ અંગે ખેડૂતો સાથે સંવાદ કર્યો હતો. તેમણે ભરૂચમાં પ્રાકૃતિક કૃષિ અભિયાનને વેગવંતુ બનાવવા પ્રાકૃતિક ખેતી અંગે માર્ગદર્શન આપવા સાથે ખેડૂતોને પ્રાકૃતિક ખેતી શરૂ કરવા સંકલ્પબદ્ધ કર્યા હતા. પરિસંવાદમાં પ્રાકૃતિક કૃષિ ઉત્પાદન વેચાણના વિવિધ સ્ટોલની મુલાકાત લીધી હતી અને પ્રાકૃતિક કૃષિ ઉત્પાદનો નિહાળી ખેડૂતો સાથે સહજ સંવાદ કર્યો હતો. પ્રાકૃતિક ખેતીથી ઉત્પાદન ઘટતું હોવાનો ભય ભ્રામક હોવાનું જણાવીને રાજ્યપાલે ભરૂચના પ્રાકૃતિક કૃષિ કરતા પ્રગતિશીલ ખેડૂતોના ઉદાહરણ સાથે ખેડૂતોને સમજ આપી હતી.

સાથે જ ભરૂચ જિલ્લાની કૃષિ સખીઓ અને સી.પી.આર.ને ભરૂચ જિલ્લામાં પ્રાકૃતિક કૃષિ અભિયાનને વધુ વેગવંતુ બનાવવા આહવાન કર્યું હતું. આ પ્રસંગે, ધારાસભ્ય રમેશ મિસ્ત્રી, જિલ્લા પંચાયત પ્રમુખ ડિમ્પલબેન રાજ, તાલુકા પંચાયત પ્રમુખ  વિવેકભાઈ, નિવાસી અધિક કલેક્ટર પાર્થ જયસ્વાલ, ભરૂચ પોલીસ અધિક્ષક  અક્ષયરાજ મકવાણા,જિલ્લા ભાજપ પ્રમુખ પ્રકાશ મોદી સહિત આગેવાનો અને ગ્રામજનો ઉપસ્થિત રહ્યા હતા