ભરૂચ : ભાજપના વિવિધ મોરચાઓના પ્રમુખ અને મહામંત્રીઓની વરણી કરાઇ

ભરૂચ જિલ્લા ભાજપે વિવિધ મોરચાઓના પ્રમુખ અને મહામંત્રીઓની જાહેરાત કરી છે. દરેક મોરચામાં હાલ ત્રણ હોદ્દેદારોની વરણી કરવામાં આવી છે.

રાજયમાં આગામી વર્ષે વિધાનસભાની ચુંટણીઓ યોજાવાની છે ત્યારે ભાજપે સંગઠનને મજબુત બનાવવા વિવિધ મોરચાઓની રચના કરી છે. ભરૂચ જિલ્લા ભાજપના પ્રમુખ મારૂતિસિંહ અટોદરિયાએ વિવિધ મોરચાઓના પ્રમુખ તથા મહામંત્રીઓના નામને મંજુરીની મહોર મારી દીધી છે. યુવા મોરચાની વાત કરવામાં આવે તો પ્રમુખ તરીકે રૂષભ પટેલ અને મહામંત્રી તરીકે ધર્મેન્દ્ર પુષ્કર્ણા અને શકિતસિંહ પરમારની વરણી કરાય છે.

ભરૂચ જિલ્લા ભાજપ મહિલા મોરચાના પ્રમુખ તરીકે કામીની પંચાલ અને મહામંત્રી તરીકે કૌશલ્યા દુબે અને પલ્લવી શાહની નિયુકિત કરાય છે. કિસાન મોરચાના પ્રમુખ તરીકે યોગેન્દ્રસિંહ મહિડા અને મહામંત્રી તરીકે કરીટસિંહ રણા અને નિપુલ પટેલ, આદિવાસી મોરચામાં પ્રમુખ તરીકે અરવિંદ વસાવા, મહામંત્રી તરીકે જતીન વસાવા અને વિકાસ વસાવાની વરણી કરાય છે. બક્ષીપંચ મોરચાના પ્રમુખ તરીકે હર્ષદ પટેલ જયારે મહામંત્રી તરીકે મનહર મકવાણા અને પરેશ લાડની પસંદગી કરાય છે.