અંકલેશ્વર ગ્રામ્ય પોલીસ મથકના પોલીસ ઇન્સ્પેકટર એચ.જી.ગોહીલની સુચનાના આધારે પોલીસકર્મીઓ પેટ્રોલિંગમાં હતા એ દરમ્યાન બાતમી મળી હતી કે પીકઅપ ગાડી નંબર GJ-16-AW-4296 માં ગેરકાયદેસર સ્ક્રેપનો ભંગાર ભર્યો છે અને ગાડી ઝઘડીયા રોડથી અંકલેશ્વર તરફ જનાર છે. જે બાતમીના આધારે  પીકઅપ ગાડી આવતા તેને ઉભી રાખી ગાડીમા ભરેલ સ્ક્રેપનો ભંગારનો અલગ અલગ સામાન જેનુ ૫૧૦ કિલો જેની કિ.રૂ.૩,૨૪,૮૨૫/-તથા બોલેરો પીક અપ ગાડીની કિમત રૂપીયા ૨,૦૦,૦૦૦/- મળી કુલ કિ.રૂ.૩,૨૪,૮૨૫/-ના મુદ્દામાલ સાથે બે ઇસમોને ઝડપી પાડયા હતા. પોલીસે આ મામલામાં પીન્ટુકુમાર શ્રીનિવાસ પાસવાન રહે.અંકલેશ્વર સંજય નગર શાકભાજી પાર્કેટ પાસે અને  કનૈયાપ્રસાદ  રહે.ભડકોદરા આદિત્ય નગર મકાન નંબર.બી-૩૮ની ધરપકડ કરી તેઓ વિરુદ્ધ કાયદેસરની કાર્યવાહી હાથ ધરી છે.