અંકલેશ્વર : ચોરીની 5 બાઈકો સાથે બી’ ડિવિઝન પોલીસે કરી એક ઇસમ ધરપકડ, રૂ. 1 લાખનો મુદ્દામાલ જપ્ત...

ભરૂચ જિલ્લાના અંકલેશ્વર બી’ ડિવિઝન પોલીસે અંદાડા ગામમાંથી ચોરીની 5 બાઈકો સાથે એક ઇસમને રૂ. 1 લાખના મુદ્દામાલ સાથે ઝડપી પાડી વાહન ચોરીનો ભેદ ઉકેલી કાઢ્યો હતો.

મળતી માહિતી અનુસાર, અંકલેશ્વર બી’ ડિવિઝન પોલીસ મથકનો સ્ટાફ પેટ્રોલિંગમાં હતો. તે દરમિયાન બાતમી મળી હતી કે, બી’ ડિવિઝન પોલીસ મથકની હદમાંથી ચોરી થયેલ બાઇક નં. જીજે-15-બીએમ-0550 લઈ એક ઈસમ અંદાડા ગામમાં ફરી રહ્યો છે, જેવી બાતમીના આધારે પોલીસે વોચ ગોઠવી હતી. તે દરમિયાન વાઘી રોડ ઉપરથી પસાર થતાં બાતમી વાળા બાઇક સવાર ઇસમને અટકાવી તેની પાસે જરૂરી કાગળો માંગતા ગલ્લાતલ્લાં કરતાં પોલીસે મૂળ મહારાષ્ટ્ર અને હાલ અંદાડા ગામની સહજાનંદ સોસાયટીમાં રહેતા ઈસમને ઝડપી પાડ્યો હતો. આ સાથે જ તેની વધુ પૂછપરછ કરતાં અલગ અલગ સ્થળેથી 5 જેટલી બાઈકની ચોરી કરી હોવાનું કબૂલ કર્યું હતું, ત્યારે હાલ તો પોલીસે 5 બાઇક મળી રૂ. 1 લાખથી વધુનો મુદ્દામાલ જપ્ત કરી આગળની કાર્યવાહી હાથ ધરી છે.