અંકલેશ્વર: રાજપીપળા ચોકડી નજીક સાંઇલોક રેસીડન્સીમાંથી રૂ.1 લાખથી વધુની કિમતનો વિદેશી દારૂનો જથ્થો ઝડપાયો, બુટલેગર વોન્ટેડ

અંકલેશ્વરના તાડ ફળિયાના કુખ્યાત બુટલેગરે હાઇવે ઉપર રાજપીપળા ચોકડી પાસે આવેલ સાંઇ લોક રેસીડેન્સીમાં સંતાડેલ ૧.૦૫ લાખનો વિદેશી દારૂ શહેર પોલીસે ઝડપી પાડ્યો હતો જયારે બુટલેગરને વોન્ટેડ જાહેર કરી તપાસ હાથ ધરી છે.

Advertisment

અંક્લેશ્વર શહેર પોલીસ મથકનો સ્ટાફ પેટ્રોલીંગમાં હતો તે બાતમી મળી હતી કે અંકલેશ્વરના તાડ ફળિયામાં રહેતો કુખ્યાત બુટલેગર શાહરૂખ નજીર પઠાણએ હાઈવે ઉપર રાજપીપળા ચોકડી પાસે આવેલ સાંઇ લોક રેસીડેન્સીમાં મકાન ભાડે લઇ ત્યાં વિદેશી દારૂનો મોટો જથ્થો સંતાડેલ છે જેવી બાતમીના આધારે પોલીસે દરોડા પાડ્યા હતા પોલીસે બારીમાંથી મકાનમાં જોતા વિદેશી દારૂનો જથ્થો જણાઈ આવ્યો હતો પોલીસે મકાનમાં પ્રવેશ કરી તપાસ કરતા વિદેશી દારૂની ૧૦૫૬ નંગ બોટલ મળી આવી હતી પોલીસે ૧.૦૫ લાખનો દારૂ કબજે કર્યો હતો અને કુખ્યાત બુટલેગરને વોન્ટેડ જાહેર કરી વધુ તપાસ હાથ ધરી છે અત્રે ઉલ્લેખની છે કે દિવાળી પર્વ પહેલા જ બુટલેગરોએ વિદેશી દારૂનો જથ્થો સ્ટોક કરવાનું શરુ કરી દીધો હોવાનું મનાઈ રહ્યું છે.