અંકલેશ્વર : ગુડ્સ ટ્રેન પ્રોજેક્ટના ગેલ્વેનાઈઝ નટ-બોલ્ટ સહિત ચોરીના મુદ્દામાલ સાથે ગેંગ ઝડપાય...

અંકલેશ્વર એ’ ડિવિઝન પોલીસે ગુડ્સ ટ્રેન પ્રોજેક્ટના ઈલેકટ્રીક વીજ લાઈન ટાવરમાંથી ગેલ્વેનાઈઝ લોખંડના નટ બોલ્ટ ચોરીના મુદ્દામાલ સાથે ગેંગને ઝડપી પાડી કાયદેસરની કાર્યવાહી હાથ ધરી છે. અંકલેશ્વર એ’ ડિવિઝન પોલીસ મથકના કર્મીઓ પેટ્રોલિંગમાં હતા, તે દરમ્યાન બાતમી મળી હતી કે, જુના દીવા ગામની સિમના જુના દિવાથી ખાલપિયા ગામ તરફ જવાનાં રોડ ઉપર આવેલ ગાય વસીયા વાગમાં આવેલ ખાડી પાસેની બાવળની ઝાડીમાં ચારેક ઈસમો નટ બોલ્ટ ભરેલ બોરીઓ સગેવગે કરવાની તૈયારી કરે છે. જે બાતમીના આધારે જગ્યા ઉપર જઈ પોલીસના કર્મીઓએ તપાસ હાથ ધરી હતી. જે દરમ્યાન કુલ 4 જેટલાં શખ્સોને ચોરીના નટ બોલ્ટ સહિત મોબાઈલ ફોન મળી કુલ 70 હજારના મુદ્દામાલ સાથે ઝડપી પાડી તમામ સામે કાયદેસરની કાર્યવાહી હાથ ધરી છે.