અંકલેશ્વરના યશ હોસ્પિટલની બાજુમાં આવેલ હોરીજન હોટલની સામેના પાર્કિંગમાંથી વાહન ચોરી ઇક્કો કારના સાઈલેન્સરના ૩૫ હજારના મટિરિયલની ચોરી કરી ફરાર થઇ ગયા હતા
અંકલેશ્વરના કોસમડી ગામના મોરા ફળિયામાં રહેતા સંદીપ વિનુ વસાવાએ ગત તારીખ-૨૭મી ફેબ્રુઆરીના રોજ પોતાની ઇક્કો કાર નંબર-જી.જે.૧૬.સી.એસ.૬૦૩૫ અંકલેશ્વરના યશ હોસ્પિટલની બાજુમાં આવેલ હોરીજન હોટલની સામેના પાર્કિંગમાં પાર્ક કરી હતી તે દરમિયાન વાહન ચોરો ત્રાટકી તેઓની કારમાં રહેલ સાઈલેન્સરના ૩૫ હજારના મટિરિયલની ચોરી કરી ફરાર થઇ ગયા હતા ચોરી અંગે અંકલેશ્વર એ ડીવીઝન પોલીસે ગુનો નોંધી તપાસ હાથ ધરી છે.અત્રે ઉલ્લેખનીય છે કે તાજેતરમાં જ ક્રાઇમ બ્રાન્ચે ઇકો કારના સાયલન્સરની ચોરી કરતા પિતા પુત્રની ધરપકડ કરી હતી અને ચોરીના 20થી વધુ ગુનાનો ભેદ ઉકેલ્યો હતો ત્યારે ફરી એકવાર સાયલન્સર ચોરીનો બનાવ સામે આવ્યો છે.