અંકલેશ્વર: કરિયાણાની દુકાનમાં ચાલતો હતો વિદેશી દારૂનો વેપલો,પોલીસે બુટલેગરની કરી ધરપકડ

અંકલેશ્વર શહેર પોલીસે સરદાર પટેલ હોસ્પિટલ રોડ ઉપર આવેલ જલારામ કરીયાણાની દુકાનમાંથી વિદેશી દારૂના જથ્થા સાથે બુટલેગરને ઝડપી પાડ્યો હતો

અંકલેશ્વરના એસટી ડેપો પાસે આવેલ માસ્ટર કમ્પાઉન્ડમાં રહેતો સંદીપકુમાર ઉર્ફે મુનનો પ્રવિનચંદ્ર મોદી સરદાર પટેલ હોસ્પિટલ રોડ ઉપર આવેલ જલારામ કરીયાણાની દુકાનમાં વિદેશી દારૂનું વેચાણ કરે છે જેવી બાતમીના આધારે પોલીસે દરોડા પાડ્યા હતા પોલીસે સ્થળ પરથી 68 નંગ બોટલ મળી કુલ 30 હજારનો મુદ્દામાલ કબ્જે કર્યો હતો અને બુટલેગરને ઝડપી પાડી વધુ તપાસ હાથ ધરી છે.