ભરૂચ શહેરના મનુબર રોડ પર આવેલ વી.સી.ટી. ગર્લ્સ કેમ્પસ ખાતે સ્પોર્ટસ-ડેનું આયોજન કરવામાં આવ્યું હતું. જેમાં મોટી સંખ્યામાં વિદ્યાર્થીનીઓ ઉત્સાહભેર ભાગ લીધો હતો.

ભરૂચના મનુબર રોડ પર આવેલ વી.સી.ટી. ગર્લ્સ કેમ્પસ ખાતે યોજાયેલ સ્પોર્ટસ-ડેમાં પ્રાથમિક વિભાગ અંગ્રેજી માધ્યમની વિદ્યાર્થીનીઓ દ્વારા પિરામિડ તથા વી.સી.ટી. પ્રાથમિક વિભાગ ગુજરાતી માધ્યમની વિદ્યાર્થીનીઓ દ્વારા લેઝિમ દાવ રજૂ કરવામાં આવ્યા હતા. ત્યારબાદ સંકુલની આંતર શાળા/કોલેજ સ્પર્ધા જેમ કે, લીંબુ ચમચી, 100 મીટર દોડ, ત્રિપગી દોડ, ખો-ખો અને રસ્સા ખેંચની રમત રમાડવામાં આવી હતી. મુખ્ય મહેમાન દ્વારા કાર્યક્રમને અનુરૂપ વકતવ્ય રજૂ કરવામાં આવ્યુ હતું. આ સ્પોર્ટસ-ડેમાં ભાગ લઈ વિજેતા થનાર વિદ્યાર્થીનીઓને ઉપસ્થિત મહેમાનોના હસ્તે પ્રમાણપત્રો આપી સન્માનિત કરવામાં આવ્યા હતા. આ પ્રસંગે અંકલેશ્વર સ્થિત યુપીએલ યુનિવર્સિટિ ઓફ સસ્ટેનેબલ ટેકનોલાજીના પ્રોવોસ્ટ ડો. શ્રીકાંત તથા યુપીએલ યુનિવર્સિટિના આસીસ્ટન્ટ પ્રોફેસર ડો. મોનીકા પટેલ સહિતના આમંત્રિત મહેમાનો ઉપસ્થિત રહ્યા હતા.