ભરૂચ સક્રિય પત્રકાર સંઘ દ્વારા સ્વાતંત્ર પર્વ નિમિત્તે "એક શામ શહીદો કે નામ" મ્યુઝિકલ નાઈટનું આયોજન કરવામાં આવ્યું હતુ

Advertisment

ભરૂચ જીલ્લાના પત્રકારોના સંગઠન ભરૂચ સક્રિય પત્રકાર સંઘ દ્વારા સ્વાતંત્ર પર્વ ની ઉજવણી નિમિતે દેશના વીર જવાનોને શ્રધ્ધાસુમન અર્પવા સાથે મહામુલી આઝાદીમાં યોગદાન આપનાર શહીદોના માનમાં "એક શામ શહીદો કે નામ" મ્યુઝિકલ નાઈટનું આયોજન પંડિત ઓમકારનાથ ઠાકુર હોલ ખાતે કરાયું હતું.જેમાં ઉપસ્થિત મહાનુભાવોના હસ્તે દીપ પ્રાગટય કરાયા બાદ શહીદોનો બે મિનિટના મૌનરૂપી શ્રદ્ધાંજલી અર્પવામાં આવી હતી. આ દેશભક્તિ સભર સંગીત સફરમાં ભરૂચ જિલ્લા ભાજપના પ્રમુખ મારુતિસિંહ અટોદરિયા, જિલ્લા કોંગ્રેસ પ્રમુખ પરિમલસિંહ રણા, નગરપાલિકા પ્રમુખ અમિત ચાવડા, ઉપપ્રમુખ નીનાબા યાદવ, ભરૂચ પાલિકાના વિપક્ષના નેતા સમસાદ અલી સૈયદ ,વિપક્ષના દંડક હેમેન્દ્ર કોઠીવાલા,ભરૂચ જીલ્લા પંચાયત બાંધકામ સમિતિના ચેરમેન ધર્મેશ મિસ્ત્રી, પાલિકા વોટર વર્ક્સ કમિટી ચેરમેન હેમેન્દ્ર પ્રજાપતિ,સહિતના રાજકીય અને સામાજિક આગેવાનો તેમજ ભરૂચ સક્રિય પત્રકાર સંઘના હોદ્દેદારો,સભ્યો અને સંગીત પ્રેમી પ્રજાજનોએ ઉપસ્થિત રહી મ્યુઝિકલ નાઈટ માણી હતી. આ કાર્યક્રમને કનેક્ટ ગુજરાત ન્યૂઝ ચેનલનો સહયોગ સાંપડ્યો હતો