લોકસભાની ચૂંટણી નજીક આવતા જ ભાજપ દ્વારા સંગઠનને વધુ મજબૂત બનાવવામાં આવી રહ્યું છે જેના ભાગરૂપે આવતીકાલે તારીખ 15 ફેબ્રુઆરીના રોજ ભરૂચમાં કોલેજ રોડ પર આવેલ આત્મીય હોલ ખાતે સવારે 10 કલાકે લાભાર્થી કાર્યશાળા યોજાશે .

ભરૂચ લોકસભા મતવિસ્તાર ભાજપની યોજાનાર કાર્યશાળામાં ક્લસ્ટર પ્રભારી અને પૂર્વ ગૃહમંત્રી પ્રદિપસિંહ જાડેજા, લોકસભાના પ્રભારી અજય ચોક્સી, સંયોજક યોગેશ પટેલ, ભરૂચ જિલ્લા ભાજપના પ્રભારી અશોક પટેલ, ભરૂચ જિલ્લા ભાજપના પ્રમુખ મારુતિસિંહ અટોદરિયા, નર્મદા જિલ્લા ભાજપના પ્રમુખ ઘનશ્યામ પટેલ, વડોદરા જિલ્લા ભાજપના પ્રમુખ સતીશ પટેલ, કાર્યશાળાના દક્ષિણ ગુજરાતના સંયોજક કરશન ગોંડલીયા તેમજ આગેવાનો ઉપસ્થિત રહેશે આ કાર્યશાળામાં આગેવાનો દ્વારા લાભાર્થીઓને લગતી વિસ્તૃત માહિતી આપવામાં આવશે